Pancake House HoiHoi (Megabox) (已結業)

本人鐘意食日本pancake，於是開業冇耐就黎試。黎到都要等位，叫到57號，而我地張飛係67號（2人）。一開始都好有耐心咁等，但越等越唔對路，原來餐廳唔係依照先到先入座嘅方法，而係按人數，即係佢有張4人枱，如果你有4人，即使你嘅號碼後過我，都會係你入座先。於是啲飛叫到80幾甚至90幾號（3人至8人）都未輪到我🥺，就算有4人枱，佢都唔會叫2個2人入座，其間有嘗試同店員溝通，但佢冇聽我講嘢😐繼續做自己嘢……終於到我地，正常都係先上餐後上pancake。隔離枱一對couple叫pancake時服務員話要等40分鐘左右，以為食完主食就啱啱好啦。點知未夠5分鐘就上咗pancake🤡（是真的，我地同時間入座，我地連餐都未order隔離枱就上咗pancake！），說好的40分鐘呢……於是我同男朋友點餐後特別講明pancake後上，點知服務員話佢都控制唔到，廚房出咗佢就上😓啲嘢食其實就唔差嘅，不過啲服務好一般，唔知之後叫位制度有冇改善啦，不過短期內都唔會再食佢。