坤記牛腩 (已結業)

今日下午茶時間，一支公諗住去食牛腩，一入去都人多唔知可以坐邊，同姐姐講「一位」，之後指左我去一個但原來冇櫈.......搵櫈途中，有個大家姐喝我去另一個位，我見到有個位揀咗留座牌問姐姐坐唔坐得，佢話有人，我問：「有人？個人得你見到我見唔到㗎？」佢話一陣員工食飯用。ok，合理吖，咁我俾返個位佢，淨係借走張櫈。我攞住張櫈，大家姐又喝我去另一位，話：「咪有櫈囉，攞張櫈做咩！」但原來個位又已經有人，知道自己樣衰左之後佢補多句：「咪叫左你去一號囉！」我頂唔順話：「冇櫈呀姐姐！」之後大家姐唔敢望我，唔出聲，最後小弟只有講句：「我唔食啦！麻煩哂你地呀！🙂」到底黑衫大家姐係咪老細呢？係我就恭喜佢生意興隆！如果唔係，坤記老闆見到依個post，麻煩你改善一下員工服務水準，感激。