牧羊少年咖啡館 (K11購物藝術館)

營業中

休息中

本來訂左張枱7點3，2位，我6點半到左，冇枱比我，然後我就企响度等，之後一直有人Walk in, 2位2位咁比枱人，我之後問佢幾時比枱我，佢竟然話7點3會比枱我，因為我訂7點3。呢啲人係咪唔識轉軚，我到左咪當我Walk in, 咪順序咁比枱我。有咩理由遲過我黎既Walk in客係有位先。你要我企响度等45分鐘，你唔一早出聲？！然後我就離開。然後7點25分再打黎問我仲要唔要枱，呢個員工真係好搞笑，我問佢點解唔係比枱我先，佢竟然答話等張矮枱安排比我，咁點解你唔問下我對枱有冇要求先？你全場得嗰幾張矮枱真係唔知要等到幾時！我有指明要矮枱咩？你啲矮枱又唔係特別濶落！個個月幫襯開屯門巿廣場嗰間牧羊少年，各方面十分好，呢間真係不知所謂。