文記傳統車仔麵茶餐廳 (已結業)

第一次幫襯，由於我係外賣，落左單俾左錢就出門口等，等左五分鐘左右，遲過我落單嘅阿伯個外賣已經出左，心諗可能店員見佢老人家整左佢先，我當讓下老人家。點知十分鐘後，企我隔離個女人嘅 order 都出埋，而佢係喺我等緊嘅時候先至落單，足足遲我五分鐘落，點解反而先過我有？！我即刻走返入去問係咪漏左單，個阿姐先施施然拎我個外賣出黎。車仔麵所有材料都係一早煮好晒，差在係舀出黎，完全唔明點解要等成三個字！好明顯入面班阿姐店員根本唔係跟 order 出單，只係隨佢地想整邊張就整先！食物就好一般，無特別，價錢亦唔係特別平。結論：唔會有下次！