影片
更多
2019-09-26
2832 瀏覽
大陸嘅海底撈就食得多，香港嘅分店真係第一次食，我地早一日book油麻地同尖沙咀星期日都無位，但銅鑼灣就話任何時段都有位。可能銅鑼灣果邊比較靜啲。我地雖然Book咗12點，但11點已經到達，個場真係好靜，可能無咩人咁早打邊爐。侍應都好似大陸一樣好熱情，好積極招呼我地，比咗個窗口位我地（好好view)，又會幫你攞小菜，比熱毛巾你，問你飲咩，比圍裙同橡筋你。兩個人都係坐卡位，坐得好闊落，好舒服。服務都係一樣咁貼心。但嘢食我就覺得無大陸咁好味，首先番茄湯底，今次嚟就係專登食番茄湯底嘅，有聽過朋友話香港嘅番茄湯底無大陸咁好食，我都同感，但又好難講邊度唔同，感覺上就係香港嘅偏甜啲，番茄味無咁濃郁。配料方面呢，我覺得海鮮同肉類都會感覺唔夠新鮮，特別係我地叫嘅毛肚，味道無大陸食嘅脆爽嘅口感。小插曲：當侍應見到我要撈麵佢就過嚟幫我手，但佢夾起啲麵擺係我隻碗嘅途中，有一條麵嘅尾端跌咗係枱到，佢溫柔咁同我講：唔好意思，然後緩緩地將果條跌咗係枱嘅麵夾返係我嘅碗到。我見到呢一幕，同我朋友對視，然後兩人爆笑咗幾分鐘……感覺像是溫柔的整蠱，我又很難拒絕說不吃……我們都頗欣賞她的冷靜和沉穩。整體嚟講，價格稍貴，味道一
我地雖然Book咗12點，但11點已經到達，個場真係好靜，可能無咩人咁早打邊爐。侍應都好似大陸一樣好熱情，好積極招呼我地，比咗個窗口位我地（好好view)，又會幫你攞小菜，比熱毛巾你，問你飲咩，比圍裙同橡筋你。
兩個人都係坐卡位，坐得好闊落，好舒服。
服務都係一樣咁貼心。
但嘢食我就覺得無大陸咁好味，首先番茄湯底，今次嚟就係專登食番茄湯底嘅，有聽過朋友話香港嘅番茄湯底無大陸咁好食，我都同感，但又好難講邊度唔同，感覺上就係香港嘅偏甜啲，番茄味無咁濃郁。
配料方面呢，我覺得海鮮同肉類都會感覺唔夠新鮮，特別係我地叫嘅毛肚，味道無大陸食嘅脆爽嘅口感。
小插曲：當侍應見到我要撈麵佢就過嚟幫我手，但佢夾起啲麵擺係我隻碗嘅途中，有一條麵嘅尾端跌咗係枱到，佢溫柔咁同我講：唔好意思，然後緩緩地將果條跌咗係枱嘅麵夾返係我嘅碗到。我見到呢一幕，同我朋友對視，然後兩人爆笑咗幾分鐘……感覺像是溫柔的整蠱，我又很難拒絕說不吃……我們都頗欣賞她的冷靜和沉穩。
整體嚟講，價格稍貴，味道一般般，但服務依然咁好。
食完飯職員送咗海底撈嘅零食包比我地，又食又拎真係開心。
張貼
