Café Bohème

營業中

休息中

今晚同雞仔慶祝牛一，前幾天雞仔已經選擇了這間餐廳食飯，我當然不敢怠慢當然要打電話訂位啦，當時女侍應好好禮貌，後期我改了2次，女侍應態度仍然好有禮貌，不會覺得煩厭，值得讚賞當親身經歷後，感覺這間餐廳侍應服務都好nice ，點完餐同埋單有講多謝(不是AI語氣)，我們被安排坐高枱，又主動幫我們拉埋d好坐d，又問我們食物好唔好食等等。。好窩心呢餐廳地方不大，但景觀開揚，可以望到海景及夜景，Good 我們點了：蝦凱撒沙律$148 ~ 份量比想像中多，沙律菜新鮮爽口，面包粒香口，蝦肉彈牙無雪味Pepperoni pizza$158 ~賣相吸引又大又香，辣肉腸好惹味餅底香脆可口，好好食!Coconut lemon spritz$58 ~ 椰子味好香，入口好滑，好飲Lime mint spritz$58 ~ 薄荷味好香好清新另有加一收費。