影片
更多
2017-02-06
1470 瀏覽
公司嘅開年飯今年揀咗一間西餐廳，呢間西餐廳之前都幫襯過一次，佢嘅環境幾特別，係以木同埋牛仔為題材，睇落去好有好活化的感覺。之前果次食個口味係幾好嘅，個心目中有個印象都會再嚟幫襯，不過因為距離公司比較遠，所以今次先係第二次嚟。但係今次有啲失望，一坐低睇個餐牌佢淨係做午市嘅套餐，有大概五至六個餐可以俾你揀，其中全日早餐同埋另一款嘅英式早餐已經佔咗兩個，所以如果係飯或者意粉嘅話呢，就只有各一個選擇啦。呢度嘅午餐如果叫咗一個套餐嘅話係有一次免費沙律吧可以攞，個沙律吧就的確唔錯。款式唔算多，但係撈埋嗰種口味都幾好，有好多人就淨係識呢個沙吧已經食到飽左啦，所以就有其中一個選擇係剩食沙津吧。我就叫咗個班尼蛋巴拿馬火腿配英國鬆餅，呢一個餐有兩舊鬆餅，另外總會有薯條同埋沙津做配菜，嗰啲沙律上面會有香醋汁，薯條炸出嚟都係熱辣辣嘅都唔錯。但係個鬆餅就真係味道有啲怪，佢將個三文魚同巴拿馬火腿再加埋蛋嘅配搭，味道好奇怪。而且巴拿馬火腿嘅味道比煙三文魚味道搶晒，唔好食。重點就要講下佢呢一個豬脊骨脾配意粉，係熟到可以打死人，煮到過唒火，入面肉係全乾身，好似煲完湯d肉甘。我初頭以為一個係咁樣，但係原來有幾個同事都係咁
之前果次食個口味係幾好嘅，個心目中有個印象都會再嚟幫襯，不過因為距離公司比較遠，所以今次先係第二次嚟。
但係今次有啲失望，一坐低睇個餐牌佢淨係做午市嘅套餐，有大概五至六個餐可以俾你揀，其中全日早餐同埋另一款嘅英式早餐已經佔咗兩個，所以如果係飯或者意粉嘅話呢，就只有各一個選擇啦。
呢度嘅午餐如果叫咗一個套餐嘅話係有一次免費沙律吧可以攞，個沙律吧就的確唔錯。款式唔算多，但係撈埋嗰種口味都幾好，有好多人就淨係識呢個沙吧已經食到飽左啦，所以就有其中一個選擇係剩食沙津吧。
我就叫咗個班尼蛋巴拿馬火腿配英國鬆餅，呢一個餐有兩舊鬆餅，另外總會有薯條同埋沙津做配菜，嗰啲沙律上面會有香醋汁，薯條炸出嚟都係熱辣辣嘅都唔錯。但係個鬆餅就真係味道有啲怪，佢將個三文魚同巴拿馬火腿再加埋蛋嘅配搭，味道好奇怪。而且巴拿馬火腿嘅味道比煙三文魚味道搶晒，唔好食。
重點就要講下佢呢一個豬脊骨脾配意粉，係熟到可以打死人，煮到過唒火，入面肉係全乾身，好似煲完湯d肉甘。我初頭以為一個係咁樣，但係原來有幾個同事都係咁樣，所以真係不得問一下廚師點解會咁。
有啲餐廳就會堅持話係個肉質問題，咁我就好期待呢一個負責人會點樣同我講。但係呢個負責人勇於認錯，佢都話自己係煮過頭，因為佢一次過會整幾件，所以真係咁啱呢幾件都係甘。
我另一個同事講話無論任何嘅理由對於一個廚子來講，煮過頭其實已經係一個唔可以原諒嘅錯誤。但係對於我來講，呢個負責人都好勇敢咁樣去承認自己嘅過錯，而且佢之後都攞番另一塊新煮嘅豬扒過嚟，切開俾我哋睇，入邊其實係仲有汁，咁我都算啦，起碼服務好。
之後其實負責人都有問過我地需唔需要煎返幾塊豬扒，但係其實我地已經好飽，所以負責人就送左幾個甜品，甜品我就覺得係需要讚，係真好食。
呢一個係類似意大利提拉米蘇嘅甜品，但係佢呢個就雪到好似雪糕，外面再諗啲咖啡落去，食落去有酒嘅香味亦都有酒香味，還有咖啡的甘，配合得幾好，又唔會太苦，又唔會太甜。
另外一個係焦糖燉蛋，食落去係比較硬身少少，但係個奶味同埋蛋味非常之香。而且上面嘅焦糖係即刻燒出黎嘅，有一層薄薄嘅糖片係上面，配埋來食好滋味。
往往好味，外觀，服務都係評分不可或缺的部分，今次呢間餐廳都需要係呢三面深思熟慮。
張貼
