影片
更多
2022-04-16
269 瀏覽
Weekday中午同朋友到中環街市,順便食lunch,見到G/F有間餐廳唔算多人,靜靜地,個樣乾淨企理,就食佢啦。我哋嗌咗烤雜菜牛油果乳酪墨西哥卷,同埋香蕉蜜糖芥末黃油雞,總共兩個set lunch,包starter, main同埋咖啡或茶。前菜我哋揀咗南瓜湯,個南瓜湯賣相一流,飲落仲好好味。店員順便上埋兩杯飲品,點知上我嗰杯普通咖啡嘅時候,佢唔小心倒瀉啲奶喺成個檯面,重彈到我件恤衫都係😥,不過我就冇嬲,但係店員就好驚得失我哋,係咁sorry,於是我哋建議換枱,費事抹枱抹來抹去嘥時間。之後店員好有禮貌咁上埋兩個main dish。朋友嗰隻春雞賣相都唔錯,味道合格。至於墨西哥卷,我就好like喇,純粹因為我個人喜愛食墨西哥卷,而且上菜嘅時候個卷皮仲係熱辣辣,裏面餡料豐富,仲真係有牛油果蓉,營養豐富又唔肥,唔錯👍。由於我同朋友雞啄唔斷,同我食下半份墨西哥卷就凍咗,凍咗就自然冇咁好食啦,但總的感覺良好。為咗補償我件恤衫彈到污糟曬,店員主動請我哋食cake,原本每人要加$38至食到嘅dessert,咁都算係合理嘅賠償。兩個蛋糕水準只係ok 啦。雖然有倒瀉奶嘅小插曲,但我對呢間餐廳感覺尚算良好,
我哋嗌咗烤雜菜牛油果乳酪墨西哥卷,同埋香蕉蜜糖芥末黃油雞,總共兩個set lunch,包starter, main同埋咖啡或茶。
前菜我哋揀咗南瓜湯,個南瓜湯賣相一流,飲落仲好好味。店員順便上埋兩杯飲品,點知上我嗰杯普通咖啡嘅時候,佢唔小心倒瀉啲奶喺成個檯面,重彈到我件恤衫都係😥,不過我就冇嬲,但係店員就好驚得失我哋,係咁sorry,於是我哋建議換枱,費事抹枱抹來抹去嘥時間。之後店員好有禮貌咁上埋兩個main dish。
朋友嗰隻春雞賣相都唔錯,味道合格。至於墨西哥卷,我就好like喇,純粹因為我個人喜愛食墨西哥卷,而且上菜嘅時候個卷皮仲係熱辣辣,裏面餡料豐富,仲真係有牛油果蓉,營養豐富又唔肥,唔錯👍。由於我同朋友雞啄唔斷,同我食下半份墨西哥卷就凍咗,凍咗就自然冇咁好食啦,但總的感覺良好。
為咗補償我件恤衫彈到污糟曬,店員主動請我哋食cake,原本每人要加$38至食到嘅dessert,咁都算係合理嘅賠償。兩個蛋糕水準只係ok 啦。
雖然有倒瀉奶嘅小插曲,但我對呢間餐廳感覺尚算良好,價錢合理,如果離開呢頭,又想坐好啲,都可以再食呢間嘅。
張貼
