影片
更多
2014-10-05
1840 瀏覽
襯住起Mega Box睇完戲，醒起有張泰蘭花既餐券，咁就決定晚餐起依度食，點知係一個超錯既決定本來見個二人餐幾好，想食既嘢都有，咁就打算落order，點知佢話用餐卷唔俾叫，我睇曬成張嘢都無唔準叫套餐既條款，不過廢事噪就散叫就算散叫就叫左五樣嘢，叫左海鮮粉絲沙律，干炒豬肉河，豬肉生菜包，炸蝦膠皮蛋同埋米紙卷咁多樣得兩樣係好食，干炒豬肉河夠鑊氣，豬肉份量足，味道好好。另外一樣好食既係海鮮粉絲沙律，海鮮夠足料有大量既蝦同埋魷魚，沙律個汁酸味同辣味調教得好好，食完真係好開胃，好食至於唔好食既係米紙卷，炸蝦膠皮蛋同埋豬肉生菜包。米紙卷個賣相差，舊舊米紙卷放到斜晒，米紙食落完全唔係嗰回事，好似食包皮咁，一啲都唔似食米紙。炸蝦膠皮蛋，啲皮蛋有怪味，食一啖已經食唔落。最後個豬肉生菜包先最離譜，啲豬肉又乾又靭，完全係食緊橡膠咁，可以話係難食服務一樣唔得，差唔多食完時個經理無端端俾張單叫賣單，語氣態度又唔好，真係食到谷氣，一定唔會再嚟食
本來見個二人餐幾好，想食既嘢都有，咁就打算落order，點知佢話用餐卷唔俾叫，我睇曬成張嘢都無唔準叫套餐既條款，不過廢事噪就散叫就算
散叫就叫左五樣嘢，叫左海鮮粉絲沙律，干炒豬肉河，豬肉生菜包，炸蝦膠皮蛋同埋米紙卷
咁多樣得兩樣係好食，干炒豬肉河夠鑊氣，豬肉份量足，味道好好。另外一樣好食既係海鮮粉絲沙律，海鮮夠足料有大量既蝦同埋魷魚，沙律個汁酸味同辣味調教得好好，食完真係好開胃，好食
至於唔好食既係米紙卷，炸蝦膠皮蛋同埋豬肉生菜包。米紙卷個賣相差，舊舊米紙卷放到斜晒，米紙食落完全唔係嗰回事，好似食包皮咁，一啲都唔似食米紙。炸蝦膠皮蛋，啲皮蛋有怪味，食一啖已經食唔落。最後個豬肉生菜包先最離譜，啲豬肉又乾又靭，完全係食緊橡膠咁，可以話係難食
服務一樣唔得，差唔多食完時個經理無端端俾張單叫賣單，語氣態度又唔好，真係食到谷氣，一定唔會再嚟食
張貼
