天ぷらまきの

營業中

休息中

果晚我拎左A36號既飛同女朋友兩個人排隊食飯，等到A35我地已經企係舖頭面前，其他等既人都企係舖頭邊，睇著有兩台分別兩個人走左都無人叫飛，結果叫飛既女職員一出黎就叫多人既票，諗著下一張點都係我地，結果女職員叫飛A37……A37入左去坐普通枱之後我地問職員點解無左A36，佢呆一呆再睇下個ipad之後先話“之前叫左啦！”明顯佢就禁多左下自己又唔記得，道歉都無聲。結果坐左bar枱，叫完餐要等35分鐘先出餐（間野仲寫限坐60分鐘），餐到之前茶都飲哂又無人補茶，仲要出少左兩粒車厘茄。d女職員除左送餐就唔出黎，咩都係門口個男職員做哂，睇得出做到黑面都叫做肯做。百幾蚊禦膳既火灸三文魚無咩味，件雞仲有燶味……廚師睇落好悠閒係到傾閒計。賣單時又見番叫飛女職員，我地問佢有無payme，佢話無，但佢已經禁好左收錢部機，再問佢有無BOCpay佢唔講野，不停申手指示叫我地拍卡，原來佢完全無聽人講野迫人用信用卡比錢，問多幾次佢先轉番部機去BOCpay。服務咁差又黑面，錯左又唔道歉又唔聽人講野仲好意思收服務費，真係唔會再去第二次。