七喜粥麵小廚

營業中

休息中

本來同朋友兩個人，想搵間酒吧，坐下食少少小嘢飲下啤酒咁啦。新蒲崗都冇乜酒吧選擇，去到間吧又多人，咁朋友提議不如去呢間七喜，我見都係飲啤酒食少少嘢，邊度都一樣，咪入去囉。一坐低都即刻落咗支啤酒先，再睇下食乜，洗完啲碗筷過咗都冇5分鐘，個唔知係唔係老闆娘，已經催促我哋落單，仲反問我哋唔係喺度淨飲吖嘛，態度惡劣到不堪。見都已經飲咗支啤酒，都廢事轉場，就忍咗佢叫咗兩個餸。其中一個豉汁蒸鱔，見到嚿嚿都好細，睇清楚全部都係魚尾，出街食咁多次鱔，呢碟都數一數二差，好在味道還可以。最後加埋8支啤酒，我哋都4百幾蚊找數，睇佢好多枱都食唔到呢個數啦，終於明白啲人上晒深圳食，唔洗喺香港受氣。