影片
更多
2016-07-17
437 瀏覽
朋友生日當然要食豪d啦, 今日帶左佢黎呢間意大利餐廳食餐好既~ 侍應們都係外國人講英文, 而且服務態度非常好, 睇得出佢地用心經營, 每食完一度菜,佢地都會問下我地對佢地既食物有咩comment...前菜 - 烤麵包+橄欖樹+醋------------------------------【烤牛排配菊薊】HK$158呢個沙律除左有烤牛排同埋菊薊外, 仲有車厘茄, 芝士, 再淋上黑醋汁, 酸酸地, 烤牛排既邊位烤得好香, 而牛肉非常新鮮, 色澤紅潤, 肉汁鮮甜, 而且幾林...【義大利肉類拼盤】HK$168帕爾瑪火腿, 輕烤豬頸肉, 薄切大香腸, 煙肉, 醃製橄欖, 蔬菜同埋烤麵包 - 火腿略帶甜味, 豬頸肉烤得比較硬身, 類似食緊豬肉干既質感, 但因為比較薄, 所以唔硬...而醃製過既橄欖依然無損本身既橄欖味. 但香腸同埋煙肉就算夾住好脆既麵包一齊食都依然覺得好鹹...【芝士足料龍蝦義大利飯】HK$288超多汁既義大利飯, 因為芝士已經溶左係飯入面, 所以個飯係更加creamy黏口...飯質比較軟, 索哂d汁, 好入味, 成個飯味道極之濃郁, 加上鮮甜爽口龍蝦, 今餐果然食得好豪啊!!!
前菜 - 烤麵包+橄欖樹+醋
------------------------------【烤牛排配菊薊】HK$158
呢個沙律除左有烤牛排同埋菊薊外, 仲有車厘茄, 芝士, 再淋上黑醋汁, 酸酸地, 烤牛排既邊位烤得好香, 而牛肉非常新鮮, 色澤紅潤, 肉汁鮮甜, 而且幾林...【義大利肉類拼盤】HK$168
帕爾瑪火腿, 輕烤豬頸肉, 薄切大香腸, 煙肉, 醃製橄欖, 蔬菜同埋烤麵包 - 火腿略帶甜味, 豬頸肉烤得比較硬身, 類似食緊豬肉干既質感, 但因為比較薄, 所以唔硬...而醃製過既橄欖依然無損本身既橄欖味. 但香腸同埋煙肉就算夾住好脆既麵包一齊食都依然覺得好鹹...
【芝士足料龍蝦義大利飯】HK$288
超多汁既義大利飯, 因為芝士已經溶左係飯入面, 所以個飯係更加creamy黏口...飯質比較軟, 索哂d汁, 好入味, 成個飯味道極之濃郁, 加上鮮甜爽口龍蝦, 今餐果然食得好豪啊!!! 【烤牛扒 (16oz 安格斯肉眼)】HK$398
order時可以要求要幾成熟, 而我就要求5成熟, 咁先可以食到佢既原汁原味, 果然廚師真係做到生熟平均. 切開牛扒, 已經見到鮮嫩肉質, 牛扒表面煎得好香, 本身我食開牛扒都要點茄汁, 但呢次唔洗...切一小塊放入口, 食到牛肉本身既鮮味, 林度適中~ 超正!! 【Creme Brulee】HK$68
布甸上加上紅梅醬, 酸酸地甜甜地, 再有生果肉伴碟, 食落一d都唔溜~【ChocoTini】HK$68
因為呢杯朱古力係沖既時候打左Cream入去, 所以飲落傑傑地, 同埋唔會好甜
【Snow Bo】HK$68
呢杯係由cream, 菠蘿同埋一隻花叫Elderflower整成, 飲落都係傑傑地, 菠蘿味比較重, 少少甜, 但飲唔出花味~
張貼
