秀殿 (已結業)

一路都想寫但都冇時間，終於得閒就要讚讚喇。為左慶祝朋友康復出院，我地決定去食餐好嘅，於是就揀左當時大熱嘅秀殿一入到去就遇到一位唔多似本地人嘅服務員招待，佢全程都怕怕羞羞咁，初時我仲以為佢係女仔(汗。。。見到menu，心諗以我地仲未開始搵錢嘅學生黎講，一D都唔平。不過難得一次就冇所謂啦。本來想試燉牛肉，但三十小時先出一次，可惜唔啱timing，下次啦:')咁就叫番個數量限定嘅流心芝士漢堡扒定食補補數啦而朋友就叫左蓄茄汁嘅奄列飯。先上前菜，係薯仔沙拉同南瓜湯。薯仔沙拉嘅口感唔錯，南瓜湯則十分味濃，好好飲。食完前菜冇耐就即刻上主菜喇 先黎朋友嘅奄列飯配蕃茄汁。個樣冇乜特別，朋友話蛋夠滑而且蛋味夠重，唔可以睇外表之後就到我嘅流心芝士漢堡扒定食 先試著角，炸得啱啱好，唔太lone又唔會太油，外皮脆，入面軟身。見到漢堡扒上面嘅芝士真係好興奮，切開想睇睇流心樣。我想像中係塊扒有芝士流出黎，點知冇嘅，誤解左，有少少失望 但係試左啖，漢堡扒厚身唔油膩，唔同一般貸式。D飯同塊扒差唔多大份，係甜甜嘅珍珠米。雖然對於身為學生嘅我地係貴左少少，但係絕對冇後悔。因為真係有實力，勁好味。而家蓄緊錢，準備下次再光臨