譚仔三哥米線 (軒尼詩道)

營業中

休息中

我覺得d野都算好味，但實在太大份啦，見到好多人都食唔完，變相有點浪費。建議新增小碗裝份量，價格便d。服務員態度非常差，樓下服務員叫我地去二樓食飯，上到去，明明有好幾個地方係吉既，樓上既服務員A係都要叫我同fd坐近收碗房最入邊個位。我地話坐前一個位，另一個服務員B話OK！都已經坐低啦，見到個服務員A，埋叫她點單，她又話要我地起身換位坐近雜物房。我無起到身，叫她點單（她企近收碗房/雜物房），叫左幾次都扮聽唔到，無野做仲行左去另一邊。最尾見到另一個收碗既姐姐黎左，先點到單。呢個服務員A你差到爆～～～麻煩老細多d培訓啦。之後要去洗手間，問係邊度，仲叫我去樓下，好彩自己見到樓上有洗手間啫。有咁差既服務員，影響嗮成間餐廳既形象，對其他服務員和努力做好味野既廚師實在唔公平。