影片
更多
2010-03-18
35 瀏覽
女友生日，我為她安排響呢度慶祝。早好幾日我已經打定電話去book台，接電話係個女人，講好晒幾點後，我問我同人慶生日，係咪可以幫我準備蛋糕？佢話係。我問有咩蛋糕揀？佢就話有好多，你來到先叫啦... 我聽佢好似好唔耐煩趕收線，我就由佢先。我心想，人地想預先order定俾驚喜人，你都唔明？扣分到食晚飯當天下午，我再打去，係一個男人聽。我表明係同人慶生日，想order定個心太軟蛋糕。我一講佢就明我係想俾驚喜人地，好醒目。佢話要寫埋名要加$30，好啦，冇所謂啦，最緊要女友開心。佢就好細心咁同我記低女友個名，同我講解會響我來食完晒野自動上俾我地。我心諗呢次掂啦，咁有交帶。佢叫Leo，good!! 加分我地早左差不多成個鐘到，坐低後，有個女待埋來問我係咪乜生，電話係咪xxxx，再加個眼神？我心諗醒目丫，咁樣同我確認，good... 再加分叫野食啦... 一個湯，一沙律，兩主菜。經理好醒，俾兩隻碗我地分湯。樣樣都好美好，不過開始黎料.... 食主菜，都未食晒，待應開始來收野，一次話未食完，兩次三次都要來收，好似趕收工咁... 開始扣分心諗，唔通趕住上蛋糕？我迫住要拿拿淋食埋俾佢收.... =_="收晒
早好幾日我已經打定電話去book台，接電話係個女人，講好晒幾點後，我問我同人慶生日，係咪可以幫我準備蛋糕？佢話係。我問有咩蛋糕揀？佢就話有好多，你來到先叫啦... 我聽佢好似好唔耐煩趕收線，我就由佢先。我心想，人地想預先order定俾驚喜人，你都唔明？扣分
到食晚飯當天下午，我再打去，係一個男人聽。我表明係同人慶生日，想order定個心太軟蛋糕。我一講佢就明我係想俾驚喜人地，好醒目。佢話要寫埋名要加$30，好啦，冇所謂啦，最緊要女友開心。佢就好細心咁同我記低女友個名，同我講解會響我來食完晒野自動上俾我地。我心諗呢次掂啦，咁有交帶。佢叫Leo，good!! 加分
我地早左差不多成個鐘到，坐低後，有個女待埋來問我係咪乜生，電話係咪xxxx，再加個眼神？我心諗醒目丫，咁樣同我確認，good... 再加分
叫野食啦... 一個湯，一沙律，兩主菜。
經理好醒，俾兩隻碗我地分湯。
樣樣都好美好，不過開始黎料.... 食主菜，都未食晒，待應開始來收野，一次話未食完，兩次三次都要來收，好似趕收工咁... 開始扣分
心諗，唔通趕住上蛋糕？我迫住要拿拿淋食埋俾佢收.... =_="
收晒野，又拿拿淋換過Ｄ台紙，擺埋蛋糕碟.... 下？蛋糕都未來，你上定晒碟？女友都覺得奇，明明食晒野仲擺碟.... 咪估到lor？.... 好！我算......
等左一陣都未見有蛋糕上....
戲肉來了，一個女待應好殷勤咁走過來，問我一條問題：「係咪叫左一個軟心朱古力蛋糕未來？」我呆左半秒：「係...」
可惡！ 成個plan就係俾呢條最唔應該問o既問題破壞晒啦！！！！ 倒扣100分！！！
雖然呢Ｄ唔係咩精心驚喜大計，女友都一早估到。但係你好好地去做，我地好好地食，都會好開心。
人地搞咁多野就係為呢一刻，你就響高潮前一刻去踢爆人，真係好掃慶！！！好冇mood
好在女友善解人意。
食物：
帶子龍蝦湯 ﹣濃味有蝦味，不錯
三文魚沙律 - very 普通，屋企極Ｄ好食好多
中東小羊髀 - 好大份，不過冇羊so味....
帶子蝦意大利飯 - 都係好一般，係有芝士味，Ｄ蝦好熱，不過帶子係凍o既...
「驚喜」心太軟 - 好多人話好，我地就冇咩驚喜... just ok
食物麻麻地又普通都算... 連唯一以為會做好o既都....無奈，服務員質素參差，有Ｄ好好，有Ｄ唔醒目.... 一個笨員工，之前幾多個好都白廢。
環境係幾唔錯，不過冇咩機會再來....
張貼