王家沙 (已結業)

王家沙,對我本人黎講,其實並唔係有咩吸引力,只係女朋友既親戚家住太古,所以經常會選擇呢間王家沙見面食飯...王家沙,其實係食上海菜,但以一直喜愛食上海菜既我,對呢三個字並不陌生,但從來都吸引唔到我去,因為感覺比我係名過於實,事實...真的如此...每次去到,我地叫既都離唔開小籠包,醉雞等小食,我當然會食我最鐘意既賽螃蟹同回鍋肉,不過完全係失色,比起屋村的上海菜亦不如,回鍋肉過份多油,上檯後除了我,基本上親戚們都冇食過...賽螃蟹更不用提,過份淡而無味,口感炒得太過鬆散且太多水...至於服務,真係不值一提,當日我地一早已經book左檯,當時我地一行人可以入去就坐既時候,見到有d侍應係度執檯,但一見到我地行緊埋去,我同女朋友都好清楚聽到其中一位小姐講:有冇搞錯呀,咁快就行入黎,都未x執完...我聽到後,我對呢三個字更加失望...之後佢拎茶過黎俾我地,竟然掟落張檯度,當時我同我女朋友就更加失望...香港有極多上海菜館,既質數,以我呢位鐘情上海菜既人黎講,單係服務上,我已經絕對接受唔到...至於價錢方面,因為每次食飯都係親戚朋友俾,不過我地睇餐牌,如果每位計,正常都要100蚊以上...