裕滿人家 (已結業)

我住火炭區都有２０多年，駿景廣場係我在火炭區最常去嘅地方，裕滿人家原址也是一家酒樓。開業以來都沒試過嘅原因係太太不愛中餐，但那天想同外母飲茶，又唔想去太遠，所以就比一次機會裕滿人家。由於我哋１１點就到，茶客不多，個支客馬上帶我哋入去。我在門口已經話要ＢＢ高凳（我個女得２歲），支客話有，入到去一定有。去到張力枱到，嘩！！好迫，外母想坐低都要旁邊張枱啲人起身先入到去坐。 我就抱著個女等高凳，再問有冇ＢＢ高凳，啲伙計話有，叫我等等，終於等咗五分鐘都未有人攞凳比我， 啲火都嚟，見到個伙計不停serve客，好似忘記我張高凳，所以就問第二個伙計有冇，第二個又話等等，又等咗１分鐘，再問第三個，終於第三個話比我知啲高凳冇晒 ．．．吓，咁大間酒樓都唔夠高凳？？嗰時１１點，有三份一枱空的，就已經冇高凳，後面的客有小朋友就唔駛坐啦！！個伙計叫我哋坐低開茶先，又話有高凳就比我哋，但喺如果一直都冇咁待我就要抱個女飲成餐茶？？都算啦，老婆話唔坐高凳睇吓有冇咕𠱸，問佢有冇咕𠱸比我個女坐高啲，後面再嚟個部長話“冇咕𠱸喎先生”，啲態度差到好似去咗茶餐廳。 你咁“有”heart，我都無謂留戀，起身走人，點知個部長後加一句