影片
更多
2008-05-25
20 瀏覽
其實本來沒有想過要公開此事,打去佢的顧客熱線自已化解便算,可惜得唔到答覆之餘又多一位朋友中招,所以決定公開此事話俾所有人知佢的服務態度真係"有幾好"~事實發生於母親節前,由於本人全家都係潮州人,所以諗住母親節當晚和家人一起去好多人都話好的潮樓食,於是和2位朋友去了試菜,結果試左個笑話出來~本人和2位朋友入到見到客唔多(晚飯時間)已經覺得間野唔抱咁大的希望,後來,我們點第一個菜(係menu上的,不是另叫)都話冇, 之後我地就點了個,排骨,菜,還有是次令我們哭笑不得的川椒蝦原本都沒有什麼大問題,後來到了個川椒蝦"隆重登場"時,(落菜嗰個都冇話係川椒蝦)我地真係呆左,因為完全唔見到有任何的川椒,或辛辣的感覺, 我地覺得好奇怪,找了其中一位waiter(唔係下單),佢一看了一眼,就說了另一個名出來,我們立即呆哂,佢後來就見到我地的點菜單,佢就話, "這就係川椒蝦", 我地立即呆得勁好多, 心諗"咁都得?!~"之後找番嗰位幫我地下單的經理(黒衫人士),佢就話係川椒蝦, 我地問為何唔係辣時,佢好似取笑我地的態度話"川椒蝦係唔辣嫁啦~", 我地立即呆哂, 川椒蝦都唔係一個辛辣的菜色,咁咩先係呀???
事實發生於母親節前,由於本人全家都係潮州人,所以諗住母親節當晚和家人一起去好多人都話好的潮樓食,於是和2位朋友去了試菜,結果試左個笑話出來~
本人和2位朋友入到見到客唔多(晚飯時間)已經覺得間野唔抱咁大的希望,後來,我們點第一個菜(係menu上的,不是另叫)都話冇, 之後我地就點了個,排骨,菜,還有是次令我們哭笑不得的川椒蝦
原本都沒有什麼大問題,後來到了個川椒蝦"隆重登場"時,(落菜嗰個都冇話係川椒蝦)我地真係呆左,因為完全唔見到有任何的川椒,或辛辣的感覺, 我地覺得好奇怪,找了其中一位waiter(唔係下單),佢一看了一眼,就說了另一個名出來,我們立即呆哂,佢後來就見到我地的點菜單,佢就話, "這就係川椒蝦", 我地立即呆得勁好多, 心諗"咁都得?!~"
之後找番嗰位幫我地下單的經理(黒衫人士),佢就話係川椒蝦, 我地問為何唔係辣時,佢好似取笑我地的態度話"川椒蝦係唔辣嫁啦~", 我地立即呆哂, 川椒蝦都唔係一個辛辣的菜色,咁咩先係呀???
之後埋單,我話我要番張點菜單,佢竟然話佢地要keep, 唔俾我地喎, 下, 我地點咩菜的單都唔拿得走?我又唔係拿人地嗰張喎, 更加笑到我地死~
後來我打去問個顧客熱線,佢話要等餐廳經理回,好啦,等足7 日, 佢再打來話, 潮州菜的係唔辛辣嫁喎, 哈,我真係笑左出來, 我問番個顧客熱線個小姐, 話佢個menu一句都冇寫係潮州style, 反而係寫sauteed prawns with sichuan chilli, 隔離副圖仲要係有紅椒的"川椒鶪/牛", 真係有夠搞笑, 佢的意思係咪 川椒蝦就唔辛辣, 其他就會辛辣呀??而個上菜單問題就話餐廳經理冇回答
我同我的朋友都覺得好搞笑, 佢一句話佢係錯的意思都冇,蝦又係咁, 連上菜單又係咁, 今時今日咁的服務態度, 連樓下間菜餐廳都好過佢啦, 上市喎, 真係嘔呀~
大家真係留意下啦, 我拍埋相係個所謂的蝦同menu, proof我的話, 大家快d 傳這件事出去啦, 唔係我地又多一間垃圾扮高檔的餐廳了
張貼
