金龍餐廳 (已結業)

因為住附近所以都幫襯過好多次，但每次抱住應該係上次唔好彩的心態去食，結果每次都係令人失望。我地叫左最基本的乾炒牛河同牛筋河外賣。先講下茶餐廳必叫的乾炒牛河；一打開已經聞到好大陣鑊燶味，成碟牛河都係一隻色，冇光澤，食落去一大陣燶味，仲要唔係好明點解乾炒牛河要加蛋絲，乾炒牛河黎講真係唔合格。再講講牛筋河；牛筋不過不失，但我明明叫左要多腩汁，但食落去成碗粉居然淡而無味。不過佢地都有野要讚既地方就係服務，個個姐姐都好有善好好禮貌，但食物方面就真係......無言。