影片
更多
2023-06-29
308 瀏覽
自前年生日之後都無食過滿粥，朋友前排突然話想食，所以就book咗平日夜晚過嚟。可能因為係平日，入到去無乜好多枱坐咗人。套餐有3個：肉蟹/龍蝦/肉蟹+龍蝦，見上次食咗肉蟹餐，今次就試龍蝦。湯底應該係就咁無調味嘅粥水嚟，龍蝦每人有半隻，都幾多肉，啲肉去到龍蝦頭都仲有好多。除咗龍蝦，呢個套餐有蜆、沙白、鮑魚、蚌、魚片、蝦，另外仲可以加其他海鮮，不過我哋無加到。店員有過嚟提示我哋每樣海鮮要淥幾耐（餐枱紙都有寫），收吉碟都收得好快，同埋見到我哋裝殼嘅桶一滿咗就即刻過嚟幫我哋倒，服務幾好。食完海鮮之後，店員就上芋頭南瓜粒同6款自選火鍋料，火鍋料都有幾多款揀，不過我哋要留肚食最後嘅粥，所以無叫好多肉。朋友拎湯嚟加嗰陣，店員都有提醒唔好加太多，如果唔係個粥會好稀。食晒所有餸之後，店員就幫我哋加粥，呢個時候個湯底已經變咗金黃色，加咗粥之後就好似南瓜粥咁。粥量大概每人2-3碗，仲有加埋蛋花，食完好飽！總括嚟講都幾抵食，海鮮好夠新鮮之餘，服務仲幾好添！
可能因為係平日，入到去無乜好多枱坐咗人。套餐有3個：肉蟹/龍蝦/肉蟹+龍蝦，見上次食咗肉蟹餐，今次就試龍蝦。
湯底應該係就咁無調味嘅粥水嚟，龍蝦每人有半隻，都幾多肉，啲肉去到龍蝦頭都仲有好多。除咗龍蝦，呢個套餐有蜆、沙白、鮑魚、蚌、魚片、蝦，另外仲可以加其他海鮮，不過我哋無加到。
店員有過嚟提示我哋每樣海鮮要淥幾耐（餐枱紙都有寫），收吉碟都收得好快，同埋見到我哋裝殼嘅桶一滿咗就即刻過嚟幫我哋倒，服務幾好。
食完海鮮之後，店員就上芋頭南瓜粒同6款自選火鍋料，火鍋料都有幾多款揀，不過我哋要留肚食最後嘅粥，所以無叫好多肉。朋友拎湯嚟加嗰陣，店員都有提醒唔好加太多，如果唔係個粥會好稀。
食晒所有餸之後，店員就幫我哋加粥，呢個時候個湯底已經變咗金黃色，加咗粥之後就好似南瓜粥咁。粥量大概每人2-3碗，仲有加埋蛋花，食完好飽！
總括嚟講都幾抵食，海鮮好夠新鮮之餘，服務仲幾好添！
張貼
