影片
更多
2022-07-02
2068 瀏覽
.最近呢間餐廳人氣爆燈，適逢同老公既週年紀念就快到，我地就訂左呢間餐廳慶祝啦。究竟呢到既食物質素、環境係咪真係咁好?!我地book左平日放工後時間用餐，去到只有我地一枱客，我remark左要corner位，以為可以坐近特色字牆個邊，但被其他客book左了，唔緊要啦，坐近窗既位置都幾好既。一坐底女店員已經比左兩杯水同menu我地睇，都同我地講左個晚set menu既湯係粟米湯，服務暫時都幾好既。我地叫左set dinner for two (6 courses) (HK$638)，再加一杯house white wine (+HK$58)同一杯moscato (HK$58)。如果想散叫亦可，佢本menu都幾得意，有人手畫既公仔圖案。*First course - 粟米湯*唔特別，比較稀身既粟米湯而已😐。*Second course - 水牛芝士蕃茄配薄荷黑醋汁*呢道前菜比較出色，將水牛芝士、車厘茄同薄荷葉一齊夾黎食，味道清新可口，帶點酸酸甜甜好開胃😋。*Third course - 水牛城雞翼*好耐冇食水牛城雞翼，比較期待，不過要失望了，雞翼只係煎過，冇炸過，甜酸味沒有，好普通😐。Fou
最近呢間餐廳人氣爆燈，適逢同老公既週年紀念就快到，我地就訂左呢間餐廳慶祝啦。究竟呢到既食物質素、環境係咪真係咁好?!
我地book左平日放工後時間用餐，去到只有我地一枱客，我remark左要corner位，以為可以坐近特色字牆個邊，但被其他客book左了，唔緊要啦，坐近窗既位置都幾好既。
一坐底女店員已經比左兩杯水同menu我地睇，都同我地講左個晚set menu既湯係粟米湯，服務暫時都幾好既。我地叫左set dinner for two (6 courses) (HK$638)，再加一杯house white wine (+HK$58)同一杯moscato (HK$58)。如果想散叫亦可，佢本menu都幾得意，有人手畫既公仔圖案。
*First course - 粟米湯*
唔特別，比較稀身既粟米湯而已😐。
*Second course - 水牛芝士蕃茄配薄荷黑醋汁*
呢道前菜比較出色，將水牛芝士、車厘茄同薄荷葉一齊夾黎食，味道清新可口，帶點酸酸甜甜好開胃😋。
*Third course - 水牛城雞翼*
好耐冇食水牛城雞翼，比較期待，不過要失望了，雞翼只係煎過，冇炸過，甜酸味沒有，好普通😐。
Fourth course - 龍蝦汁蟹肉意大利飯
本身我地糾結緊叫廣島蠔意大利飯好定係龍蝦蟹肉意大利飯好，最後都係叫左後者😆好彩個飯都ok，食risotto我最關心係啲飯煮成點，飯唔得成碟可以報銷，呢碟risotto係好食既，冇生米，每粒米都煮得軟熟，吸哂龍蝦汁，好入味，最驚喜既一點係佢將蟹肉撈入飯到mix左一齊，每食一啖飯都有蟹肉，好正😋。
Fifth course - 16小時慢煮油封鴨髀
鴨脾肉嫩滑，帶有香草香味，慢煮可以鎖住肉汁又唔會overcook，鴨味都香。配菜有牛蒡，呢個好食喎，有酸瓜。整體黎講都ok既，不過都係冇咩驚喜😬。
Dessert - 咖啡蛋糕
咖啡蛋糕表面有塊朱古力片，蛋糕入面好軟熟，咖啡味同朱古力味都重，好濃咖啡香，我地兩個都鐘意食，覺得幾好😋。
House white wine 偏酸，都唔夠香，老公唔太鍾意呢枝酒。Moscato就正正常常，香過杯white wine。
全晚得兩個店員，但服務都好好，會主動斟水、收碟，我想要杯熱水，佢比左一壺我，我都幾surprised😂appreciate既。
環境方面，餐廳有11張4人枱，坐近窗會舒服啲，可能係梳化位吧。其實佢既裝修都係偏暗黑風，有藍燈點綴，其實幾有情調，播既音樂都好chill，其實幾適合黎慶生慶周年，不過我冇request佢寫字，只係remark左慶周年紀念，我諗住甜品有寫字就bonus黎。我見有人黎慶生會送張卡仔同即影即有相，不過要訂枱時request吧。
本身7點半前用餐環境都幾好，坐隔離枱既食客都係細聲講野，坐近特色牆個邊有4張枱，有2張坐左4人既，另外一枱有個女仔等緊佢朋友到，到呢刻環境都係好舒服。點知個女仔既朋友到左後，兩個人就好大聲講野，我地同佢地相隔至少兩米，都好清楚聽到佢地講咩，加埋餐廳音樂，成個環境變得好嘈，好想快啲走😮💨古人話三個女人一個墟，依家兩個女人已經一個墟😮💨好彩係我冇坐近特色牆嗰個凹位既座位，否則嘈音會更犀利。
整體而言，我覺得呢到既食物質素、味道又未到好驚喜好高質，但一試無妨既，六道菜有一半ok既，自行衡量，但服務真係好好👍🏼
.
味道 ★ ★ ★ ☆ ☆
環境 ★ ★ ★ ☆ ☆
服務 ★ ★ ★ ★ ☆
性價比★ ★ ★ ☆ ☆
張貼
