121BC (已結業)

同一班朋友去食。 首先一開頭叫左幾樣野就話我地叫唔夠，一定唔夠食，個時manager個表情就已經唔係幾好，話recommend我地每人叫400蚊野。咁我地咪叫多左一個appetizer同一個甜品，本身都諗住下場再去飲野。 點知個manager係我地食緊野個時行左過黎催多左幾次我地叫多d野，仲要黑面，搞到成個氣氛都好差。甜品最尾都係比佢逼到叫多左碟…明明都已經夠哂飽。 好老實講，佢如果態度唔係咁我地可能都會比面叫多啲野食。但係你如果想我地比400pp既話，服務就應該好啲，更加就唔應該黑面同暗串客人。仲要唔止manager，其他侍應都係如是，咁樣都仲想收fine dining價。況且，呢間餐廳既環境、食物都唔係收400pp既質量，就唔好強逼人啦。