Gastrobox The Union (已結業)

兩個人叫咗個788餐，share 1塊扒唻食。先來嘅係三文魚沙律，食物無乜特別，但特別在於服務。個waiter 放低碟沙律，但倒瀉咗半杯水，成枱濕灑，佢走咗去，我以為佢去攞毛巾，佢唔知做乜去攞水壼幫其他枱加水，我見佢完全無意欲過嚟，我叫咗一個好似經理嘅人，個經理叫佢佢先如夢初醒攞毛巾。到個湯， 話就話係龍蝦湯， 其實根本係蕃茄忌廉湯。個扒我叫4成，佢比咗10成，但都有問要唔要煮過。由於已經等得好耐，我都要咗，無叫佢換。食完曬後，個waiter 又出場。見我地食完，佢收咗我隻碟，但好似見到好多野未收，所以去攞咗個盤，其中一枱又食完，跟住又好似經理叫佢，佢已經唔記得要幫我地收野。忙，收唔到，我理解，但佢竟然之後去咗set枱，當時已經9點幾，跟本無新客，咁唔係應該serve 咗依家响餐廳嘅客先呢？我讀書嘅時候唔係好感受到什麼叫活着的人比死去的人更痛苦，而依家我終於明白。。佢寧願去serve 一啲已經離開嘅人，都唔肯為我收野，上甜品，上咖啡。。我嗰刻都幾無奈同痛苦之後上咖啡無上奶，嗰啲都唔講。。 總而言之，我唔會再去。堅尼地城好過佢嘅西餐大q把，何苦要受氣？