葡匯咪走雞葡國餐廳 (已結業)

與老友約了出尖沙咀，上open rice做定功課，看到呢間食評都唔差，就定下午兩點既檯，與她嚟試試。我們叫了二人套餐，有湯(薯仔蓉既湯，都好飲的)，小法包(唔識欣賞)，傳統葡式拼盤(有葡式香腸，馬介休球，炸魷魚，炸雞 /幾款都唔難食，但未致於可令人難忘)，在套餐中有燒春雞或牛尾可選擇，我們選擇了砵酒炆牛尾，個汁好味，牛尾好焾。馬介休炒椰菜(吃不出馬介休的咸香味道)。 套餐內原本有兩個甜品，但朋友問侍應生，可否加錢轉飲品?侍應不敢揸主意，叫了一位女經理過嚟，她禮貌地說，不要甜品便可轉飲品給我們，服務不錯，有彈性。二人套餐$488，另加一，埋單$536，平均每位$268。 對我個人而言，我打食評既評分，會總括其價錢、食物、服務來作平衡點。這兒的食物，對我嚟講，只是唔難食，但以這個價錢食這一頓午餐，又唔覺得好值得，唯一安慰的是其服務不錯。如果問我會否再回頭??我肯定不會的。