夜上海 (已結業)

因為好朋友有左BB,所以約佢食飯都想搵d靜靜地、坐得舒服，環境唔錯，最緊要有得book檯唔洗等既地方。所以一心就諗住搵酒店既中餐，搵左幾間酒店，最後決定黎夜上海食小籠包。因為大肚媽咪好多野都要介口，所以今次就由佢決定食咩菜式～上海炒年糕年糕煙un...夠入味..唔會太咸，味道岩岩好！寧波肋骨呢個排骨酸酸甜甜，好開胃。d肉忟到好淋，骨同肉一咬就散開，讚呀！小籠包皮夠薄，熱辣辣食落成個口充滿哂肉汁。真係好食！生煎鍋貼鍋貼煎得好脆，入面又有好多汁，好食。好食到我地吳記得影相就食哂喇~~值得一提既係~黎呢度，茶水係逐位計既~嗌茶水之前要記得睇定個menu喇我地嗌普通既普洱茶都要20蚊一位架~其實呢個價錢，係酒店入面，又咁好既環境，咁好既服務，又係米之蓮推介。認真真係好抵食。