上手日本料理 (已結業)

難得放工同爸爸食飯，就同佢去試ｄ佢未食過既食肆。走去西九龍中心，發覺有間叫上手既日本料理。其實好耐之前去過一次，不過真係太耐，完全冇印象佢究竟係好定唔好，但見佢價錢平平地咁，不妨入去睇睇佢得唔得。可能時間尚早，都有不少空位。都費事諗食ｄ咩，就叫個二人餐share食。有什錦刺身、沙律、蟹柳烏冬、日式叉燒湯麵和飲品。什錦刺身不過不失，沙律就酸歿甜甜幾好味，可是個烏冬同埋湯麵就扣晒分，尤其是個湯麵。筍係酸，叉燒又"韌"，麵底亦怪怪地，總之就唔掂。服務就唔錯，好有禮貌，收碟亦快手，而且冇收加一，更唔使貼士，幾欣賞。另外仲有張coupon，雖然野食唔太好食，不過如果有coupon又經開附近，都可以再試。