影片
更多
2018-06-29
144 瀏覽
約左兩個好耐冇見既朋友去旺角食飯大家一致同意邊打邊爐邊傾近況係最好的選擇經同事推薦，最後揀左呢間滾喜訂左枱準時去到，即使係星期5，職員已經留定左枱，唔駛等就可以入座但職員見我地有朋友遲到，未齊人，問我要唔要等多5分鐘，有卡位會交枱可以坐得舒服啲反正未齊人，又限時食，當然等卡位啦5分鐘後，職員已經執好卡位俾我地，遲到既朋友依然未到...職員介紹我地先食芝士雞煲，再食麻辣雞煲，可以試兩種滋味仲提我地，如果食麻辣先，芝士後，芝士可能食唔出味道我話我朋友未到，我唔知佢食唔食芝士職員話佢可以俾少少芝士雞我地試先，鐘意食可以再加芝士雞煲黎到，遲到既朋友都同事黎到職員俾左個TIMER我地，TIMER響，職員立即黎幫手處理得10件雞左右，芝士味濃，仲有拉絲芝士控既我表示幸福 >/////<兩位麻麻地芝士的朋友都表示好味，一啲都唔溜(唔知點解，手機啲相唔見左好多張>"< 所以相好少，芝士雞煲，拉絲相全部冇晒)之後換麻辣雞煲，朋友唔係太食得辣，叫左小辣我本身都幾食得辣，所以有啲擔心唔夠辣不過食落去都有辣味，都唔差!然後就係今日既重頭戲!3個牛魔王升級左最貴既頂級雪花安格斯任
大家一致同意邊打邊爐邊傾近況係最好的選擇
經同事推薦，最後揀左呢間滾喜
訂左枱準時去到，即使係星期5，職員已經留定左枱，唔駛等就可以入座
但職員見我地有朋友遲到，未齊人，問我要唔要等多5分鐘，有卡位會交枱可以坐得舒服啲
反正未齊人，又限時食，當然等卡位啦
5分鐘後，職員已經執好卡位俾我地，遲到既朋友依然未到...
職員介紹我地先食芝士雞煲，再食麻辣雞煲，可以試兩種滋味
仲提我地，如果食麻辣先，芝士後，芝士可能食唔出味道
我話我朋友未到，我唔知佢食唔食芝士
職員話佢可以俾少少芝士雞我地試先，鐘意食可以再加
芝士雞煲黎到，遲到既朋友都同事黎到
職員俾左個TIMER我地，TIMER響，職員立即黎幫手處理
得10件雞左右，芝士味濃，仲有拉絲
芝士控既我表示幸福 >/////<
兩位麻麻地芝士的朋友都表示好味，一啲都唔溜
(唔知點解，手機啲相唔見左好多張>"< 所以相好少，芝士雞煲，拉絲相全部冇晒)
之後換麻辣雞煲，朋友唔係太食得辣，叫左小辣
我本身都幾食得辣，所以有啲擔心唔夠辣
不過食落去都有辣味，都唔差!
然後就係今日既重頭戲!
3個牛魔王升級左最貴既頂級雪花安格斯任食
食完之後，我朋友問左我幾次︰真係二百幾蚊任食?
唔係薄切，厚切的雪花牛打邊爐真係一流!
呢個質素既牛，呢個價錢，真係超值!
仲有自制既咸蛋炸魚皮、炸響鈴 跟住又要讚一讚職員好服務
升級任食包左桶蠔任食，但因為我想留返個肚黎食牛
所以3個人只係order左2隻
送餐既職員放底既時候，好擔心咁問︰咦?! 你地3個人得2隻蠔既? 可能廚房俾少左，我即刻幫你地拎多隻
我解釋俾佢聽我想留肚食牛，佢望一望我地碟牛，見到得返2塊
就入廚房幫我地拎多碟牛出黎
服務好，食物好，同事果然冇介紹錯~!
有機會一定會再過黎食!
張貼
