影片
更多
2022-10-14
4453 瀏覽
首先要讚服務態度好好，環境好靚，但食物質素不過不失，但唔值呢個價位，同樣價錢有其他更好選擇。1. 餐前麵包 2/5⭐️其中一款乾果麵包ok，另外的黑麥麵包及bread stick唔得，無口感。2. 餐前小吃 3/5⭐️黑松露macaron 幾有趣，macaron做得好好質感，煙三文魚多士的三文魚好香，但底下麵包唔得。3. Carpaccio 5/5⭐️醃美國鮮牛肉好香好滑，配上青醬及芝士忌廉口感平衡，有一口無連埋芝士食就覺得咸咗少少，所以要所有配料一起吃。4. 慢煮羊肉手工寬條麵 3.5/5⭐️上菜前員工會用煙燻槍燻下道菜，上枱時充滿仙氣🤣。寬條麵好彈牙，味道好，不過羊肉味有少少被牛肝菌搶走咗。5. 托斯卡納海鮮砂鍋 1/5⭐️最失望的一道菜，收我$1500，波士頓龍蝦清得唔乾淨，食一口就感覺到口嚨痕，多寶魚煮耐咗啲，帶子、小龍蝦不過不失。佢話一份是兩至三位用，但份量較少，一至二人就差唔多。最重要係佢用鑄鐵鍋上菜，個鍋數分鐘内就冷卻，好明顯唔係由頭到尾用鑄鐵鍋煮，估計係各食材分別煮到差不多先放入個鍋中再煮一陣。呢個價位下唔ok😔6. 烤羊鞍 5/5⭐️羊鞍好香好嫩，有羊味但唔臊，配菜都炭燒得剛剛好
環境好靚，
但食物質素不過不失，但唔值呢個價位，
同樣價錢有其他更好選擇。
1. 餐前麵包 2/5⭐️
其中一款乾果麵包ok，另外的黑麥麵包及bread stick唔得，無口感。
2. 餐前小吃 3/5⭐️
黑松露macaron 幾有趣，macaron做得好好質感，煙三文魚多士的三文魚好香，但底下麵包唔得。
3. Carpaccio 5/5⭐️
醃美國鮮牛肉好香好滑，配上青醬及芝士忌廉口感平衡，有一口無連埋芝士食就覺得咸咗少少，所以要所有配料一起吃。
4. 慢煮羊肉手工寬條麵 3.5/5⭐️
上菜前員工會用煙燻槍燻下道菜，上枱時充滿仙氣🤣。
寬條麵好彈牙，味道好，不過羊肉味有少少被牛肝菌搶走咗。
5. 托斯卡納海鮮砂鍋 1/5⭐️
最失望的一道菜，收我$1500，波士頓龍蝦清得唔乾淨，食一口就感覺到口嚨痕，多寶魚煮耐咗啲，帶子、小龍蝦不過不失。
佢話一份是兩至三位用，但份量較少，一至二人就差唔多。
最重要係佢用鑄鐵鍋上菜，個鍋數分鐘内就冷卻，好明顯唔係由頭到尾用鑄鐵鍋煮，估計係各食材分別煮到差不多先放入個鍋中再煮一陣。呢個價位下唔ok😔
6. 烤羊鞍 5/5⭐️
羊鞍好香好嫩，有羊味但唔臊，配菜都炭燒得剛剛好。
7. 藍龍蝦意粉 3.5/5⭐️
加錢轉藍龍蝦，今次隻龍蝦夠新鮮乾淨，食落喉嚨無起敏感反應啦！藍龍蝦肉味香濃，口感偏少少軟身，本身該品種不是行好爽好彈牙的路線，好吃。不過蕃茄醬層次較單一，多少少酸味或香草會更好。
8. 清口甜品 3/5⭐️
上甜品前會有份芒果熱情果雪糕去清清個味蕾，傳統應該係比雪芭會fresh啲，佢用雪糕就奶味感覺重啲。
9. 千層tiramisu 3/5⭐️
它的tiramisu 是新派製法，酥皮千層配咖啡及芝士忌廉，再加咖啡雪糕，好食但欠了我喜歡的傳統tiramisu 的酒香。
10. 檸檬冰雪蛋糕3.5/5⭐️
檸檬之外感覺還有菠蘿等其他熱帶水果？甜中帶酸，唔膩。
11. 最後四式小點，不過不失
張貼
