好彩海鮮酒家

營業中

休息中

態度差到不得了。打電話黎訂位，接電話既話唔需要訂，黎到個知客話冇位，叫我地等一等，我地都等左一陣, 冇耐換左另一個知客, 我地話返個情況佢知, 佢竟然態度好差咁叫我地"咁你地慢慢等啦""你咪等囉""我地接電話唔會咁講既"（佢細細聲仲講左句粗口）。都算喇, 我地有老有嫩, 費事嘈, 費事揾過第二間, 我地見有人埋單，問佢可唔可以坐果張枱，佢態度好差咁話"唔知喎，我點知呀"，結果朋友發火鬧佢，嘈到周圍d客都望住晒, 佢先至去揾經理。咁既服務，不知所謂。後來我地見原來遠處坐左個高級經理響度, 似乎同茶客傾訂宴會之類既事, 我地嘈個知客, 佢可能怕經理都聽到, 所以好快就揾左張枱俾我地。真係未試過要爆粗至有飯食，如果唔係有老有嫩，又已經係午市三點，我肯定唔會留低。