湯加 (天澤商場)

營業中

休息中

冇咩大家都唔好黎。我番工前自己一個入黎餐廳食， 一踩入餐廳完全冇人招呼都算， 入到去行咗一圈冇位。我行咗一圈都冇人招呼我🙄🙄 行完一圈見到收銀呀姐幫人落緊單， 等佢落完我問佢係咪要落咗order先坐低， 佢又話坐低先。好在咁岩有個呀叔食完野， 主動讓位比我，我先埋去坐， 唔係職員招呼我。好啦坐低咗， 要叫呀姐埋黎先識幫我執枱。執完台叫野食都順利嘅。但發現， 水都唔比杯黎， 紙巾又冇。原來要自己出去拎🙄 我自己一個人食飯， 又要戴番個口罩出去拎， 又要我拎埋自己啲野出去拎水拎紙巾🙄 （咁岩我又坐門口位， 驚人順手就偷野，追都追唔番，焗住要拎哂電話銀包就係為咗去自己為自己倒杯水🙄） 好啦， 要自己拎水都算啦， 杯都唔比隻黎， “針”乜水？！ 本身個呀姐要我自己出去“針”水我已經反哂白眼， 出到去仲要杯都冇隻，真係“針”條鐵咩🙄 叫先識拎杯出黎， 我就企咗係餐廳中間唔上唔落咁勁尷尬咁等佢拎杯比我， 幾經辛苦先“針”好杯水拎埋紙巾番位🙄 服務差過快餐店🙄再講食物， 真係， 唔講咁多， 大x樂大x活都好食過佢多多聲，完。冇咩大家都唔好黎。