影片
更多
2018-01-01
2201 瀏覽
第一次寫食評，不過唔係因為佢好好味，係因為服務真係差到無朋友。先講下佢個格局，佢係Ｌ型咁，收銀果就喺最前，可以睇到最前面大約三分一場，但就望唔到最尾三分一至二分一既位置。咁等位果時，都係收銀附近，見到果三分一場啲樓面都好忙咁，咁我同老婆就大約等咗二個半鐘入坐，就坐最入果個AREA。一坐底，見到檯都未抹乾淨，而檯底下面係一大攤水，雖然俾果灘水跣到，但唔緊要，打邊爐唔會預係乾淨，但係最大問題係果度係無人理，真係一個人無，寫好晒紙想搵人落單兼叫湯底，但就舉咗幾分鐘手都無人理，跟住就去中間左右既位置度找嗰三分二場入面唯一一個樓面姐姐，佢就唔耐煩咁問要乜，我老婆就話想落單同叫湯底，佢就好難為咁話：「我唔係跟果度(後面3分1場)喎，不過唔緊要啦，照幫住你啦~」(客又點會知你邊個負責邊度)，我老婆就話返，後面一個人都無，佢就話「佢哋放緊飯，後得一人咋」，同一時間，有個抬住嘢後生仔樓面喺我老婆後面無禮貌咁大喝「睇後！」(本身已經企開咗同個姐姐講嘢)，本能轉身一望，佢個款就黑位個面兼用盤嘢兇我老婆，無禮貌之餘，仲要烚女人。搞到咁氣頂，繼續坐底食都只會食得無癮，結果決定即走，走果下我哋都有同收銀講聲唔食，
先講下佢個格局，佢係Ｌ型咁，收銀果就喺最前，可以睇到最前面大約三分一場，但就望唔到最尾三分一至二分一既位置。咁等位果時，都係收銀附近，見到果三分一場啲樓面都好忙咁，咁我同老婆就大約等咗二個半鐘入坐，就坐最入果個AREA。
一坐底，見到檯都未抹乾淨，而檯底下面係一大攤水，雖然俾果灘水跣到，但唔緊要，打邊爐唔會預係乾淨，但係最大問題係果度係無人理，真係一個人無，寫好晒紙想搵人落單兼叫湯底，但就舉咗幾分鐘手都無人理，跟住就去中間左右既位置度找嗰三分二場入面唯一一個樓面姐姐，佢就唔耐煩咁問要乜，我老婆就話想落單同叫湯底，佢就好難為咁話：「我唔係跟果度(後面3分1場)喎，不過唔緊要啦，照幫住你啦~」(客又點會知你邊個負責邊度)，我老婆就話返，後面一個人都無，佢就話「佢哋放緊飯，後得一人咋」，同一時間，有個抬住嘢後生仔樓面喺我老婆後面無禮貌咁大喝「睇後！」(本身已經企開咗同個姐姐講嘢)，本能轉身一望，佢個款就黑位個面兼用盤嘢兇我老婆，無禮貌之餘，仲要烚女人。搞到咁氣頂，繼續坐底食都只會食得無癮，結果決定即走，走果下我哋都有同收銀講聲唔食，但佢就望都無望就一手收返張單。
整體來講，全程都有種要受人氣既感覺，由等位到走人，所有過程都無一刻覺得我地係有被尊重過，可能真係太多客，佢哋唔休做，佢幾衰都會有人中入去。無禮貌都算，畢竟預咗佢地唔會有，不過放飯放到一個人都無，仲要Ｄ人唔願補位，Ｄ管理真係有啲得意。另外，見到前面三分一場果Ｄ人手數量，比例上同喺後半場既就完全唔一樣，令人好懷疑班人係集中收銀望到Ｄ位附近扮勤力。點都好，呢間嘢唔會再有下次。
題外話/補充資料：
味道＆抵食，因為未食就唔知味道，不過睇目測返Ｄ料，同埋可以揀既食物種類，就俾３粒星。
(以上食評乃用戶個人意見 , 並不代表OpenRice之觀點。)
張貼