雪ノ下 (已結業)

今晚和朋友選咗呢間食甜品，但係好肯定永遠唔會再黎。一入門口收銀位女侍應講一大堆野，其實根本聽唔到佢講咩，原來佢之後再重覆講話買野要出收銀機買，已經覺得態度麻麻。我地之後叫左甜品同凍咖啡，我地3個人 share d野食問想要3隻碟 share野食，結果淨係攞2隻碟俾我地。上凍咖啡，糖同奶連匙羹都唔俾你，要叫先有。最火滾係食左1個鐘，女侍應話你地用餐時間夠，有人等位請我地離開。入黎時完全無講過用餐時間只得1小時，其實我地本身都差不多走，不過你咁趕客法，都唔想再留耐d。餐牌上食物既收費並不便宜，但最基本既服務都做唔到，只可以講真係揀錯地方食甜品，非常失望。