Outback Steakhouse (已搬遷) 新店位置

同女朋友拍拖都一段日子了,係時候同屋企人見下面食飯,經一眾豬朋狗友極力推介,特意去呢間餐廳食晚飯,7點黎到就要等位,唔緊要傾下計好快過,7:35終於有位入去了,裝修唔太差,不過嫌燈光太暗,最初行入去地下有d立立地既感覺,4個人坐6人卡位 一坐入去就出事,原來地下好多垃圾,仲有張牛油紙黏住老豆隻鞋, 可能人多啦,未執檯就叫我地入黎先,唔緊要睇下有咩食先,咦!?餐牌呢? 睇住檯面果d餐酒牌先囉, 每逢有侍應經過都叫執野同埋餐牌,叫左4次都係統一既答覆(好好好,等等啊),坐到7:45我忍唔住叫隔離執緊張無人坐既檯果個姐姐過黎執野,答覆都係一樣(等等啊), 我心諗,點解係都要執一張未有人坐既檯而唔執我地等左好耐既檯喎,算啦,可能人地執開有條路,等多陣囉,點知果個姐姐執完果張檯返黎仲端茶遞餐牌比果幾個剛剛入黎要坐果張檯果d客,咦,咁我呢!? "姐姐,唔該幫幫忙執執d野呀!" (好呀,等等啊!) 8:05 我地後面張檯d人埋單走, 有個哥哥正想過去執檯果陣就比我地截住, 呼!!終於執好檯同埋可以睇餐牌啦! 老豆快d睇下鍾意食咩,呢度好旺架,驚會等得耐呀,唉,直到8:30都無人理我地只好離開, 去到