囍慶藝廚酒家 (已結業)

老豆生日約埋嫲嫲姑媽姑姐阿叔一齊食餐飯，我地9個人老豆諗住叫個8人套餐就夠，因為嫲嫲唔係好多，點知原來9個人叫8人套餐要加200，老豆懶得諗單叫餸就是但加200就200啦！誰不知就懶嘢，一黎半隻乳豬好似人食剩咁，仲要乾柴咁；龍蝦伊麵無味無肉伊麵碎到要用匙羹先可以潷到；豉椒炒蟶子蟶子無味又咬唔開；豬肺湯豬肺有水喉水味；扇貝好似平價乾瑤柱咁細粒；清蒸石斑好似似樣啲，點知條斑仔蒸到過哂籠老哂；有個唔知咩炒飯又粟米粒又提子乾個味奇奇怪怪；炸子雞係唯一可以接受嘅一道菜色。你可以話平價套餐係咁上下，其實價錢唔係問題，我地都問過有冇其他介紹，侍應又唔秋唔彩。真心唔建議大家去食，如果你大把錢可以去試下！