皇庭匯

營業中

休息中

星期六諗住去飲下午茶，一入見到去同個黑衫經理講兩位，佢叫我地自己搵位，入到去都好full下，見到一張4人枱岩岩走左，我一行2人就坐埋去，坐底左無招呼，無人收枱，等左一陣個黑衫經理再次出現叫我地坐埋一邊，因要搭枱，但當時無客，因為朋友拿住一個大紙袋放在一張凳上，我地亦都坐埋左一邊，黑衫經理繼續呼喝我地坐埋一邊，並且吩咐其同事唔好開茶俾我地，我地感到有點過份，打電話到皇庭匯，接線電話位小姐指要了解一下，如是者我和友人等左10分鐘，無侍應再埋過我地張枱，再打電話去問，接線小姐再表示要了解，我和友人都等到不想再等，走到門口問收銀姐姐有無投訴電話，收銀姐姐表示沒有，再問有沒公司電話，通通回答沒有，友人跟我都已經氣炸了，沒有跟他們再說就走了，後來再打電話到其他公分店得知，店長已經是最大，投訴無門，絕對不會再去！