必勝客

營業中

休息中

pizza hut野食黎黎去去都係咁上下 唔熟灣仔有咩食 以為揀呢間有保障喇點知同男朋友下午5點4-5去到攞位 見到好多好枱 問個女帶位員仲有無下午茶 佢第一次唔理我 再問就叫我等下 然後同個換左便服嘅職員係門口拉拉扯扯 咁都唔緊要重點係到佢比我入去時 我坐低問waiter 佢竟然答我無下午茶了！！！！呢下真心火 勁想起身走 覺得佢地夾埋唔比人入 因當時有3-4張枱都等緊 但入面空空如也 算！ 係灣仔+男朋友係度 我忍耐下 貴啲就貴啲！(重點係我地得1個鐘食飯時間卻要比貴左 又趕住走)之後連續2-3個香港waiter serve我地 講野都一舊舊 最後幾個字直程0發音 大佬呀 我唔係歧視人 但我比咁嘅價 可唔可以搵個溝通到嘅waiter呀！！之後買pizza card仲離譜！我買300，佢搞左成10分鐘(望住個經理又行黎行去 聽電話 吹水，都未出到單比我 我又趕時間……) 之後竟然同我出左張500 (完全覺得呢間野所有人發緊夢！) 又再搞多10分鐘 碌左3次單先岩 連我個勁好脾氣嘅男朋友見到我發哂炆震都問不如走喇……但張咭係佢度點走姐！到叫野食 叫雞皇飯就黎意粉！田螺薯蓉仲係唔熱架！