Nice Sushi + Thai Buffet (已結業)

未食飯已經一肚氣! 我地一班女仔九個加男仔兩個訂左八點鐘枱, 等左半個鐘都仲話要等...話咩人地點都唔肯走... 我個朋友入去睇過張枱啲人仲食緊野...出面有咁多張吉枱又唔俾我地! 咁算點?入到去時我遲入去, 因為諗住去第二間食算...但係朋友又call番我叫我返去...去到張枱見到個好似係高級經理拎張膠櫈好似想放o係我地張枱, 咪同佢講點解俾膠櫈, 佢個反應係: 我而家話係俾你咩?我即刻回應: 唔係俾我地都唔洗咁既態度呀嘛? 食物又唔多... waiters服務態度差到嘔! 有個waiter仲要整濕我個朋友件外套!真係食得好唔開心!! 千祈唔好幫襯!