Uncle Tetsu's Cheesecake (已結業)

幫友人慶生，行勻成條西洋菜街都冇間似樣嘅蛋糕店。行行下，俾我喺登打士街搵到呢間賣日式cheesecake嘅地方。當時冇人等，我就同店員講要一個原味芝士蛋糕，佢喺收銀後面大叫你等陣。我以為要等蛋糕出爐，就問咁幾耐先出爐？佢目無表情嗌出黎話係叫你等我。佢先施施然行出黎cashier。買個蛋糕要睇佢面色，傻眼。以為係同一般日式芝士蛋糕係鬆軟，所以食之前都冇咩期望。點知一食落去好creamy，意想不到好味，芝士味又濃！撇除服務差，個蛋糕值80分！