道頓堀御好燒專門店 (朗豪坊) (已結業)

星期四閒日四點鐘入去，全場計埋我得兩枱客，一入去已經無乜禮貌，全場有4至5個員工，兩個樓面，一定唔係忙應付有餘，但叫又無人，收碟又無人，已經無乜生意架啦，都係咁既服務態度，唔知係你工作氣氛問題定係你老闆咁樣安排你地做野，定你地成班根本唔想做野？係咪義工定係無糧出？講真疫情之後，經濟唔好，係咪應該比反d態度？係咪出黎搵食，已經咩都係自己黎架啦，燒又我地自己燒，其實你地忙緊d咩？岩岩果兩枱客令你有幾大壓力幾辛苦？唔好話人地麻煩客，已經無任何要求，成日話體諒服務業，但岩岩既表現係差，合格都未有，完全想像唔到係朗豪坊食個飯服務無唔緊要，都唔好話差，個個都好似唔想做咁，已經汁左一間架啦，仲唔管理好，兩間都無埋唔好問點解。比d態態度啦年輕人，香港服務業比人咁感覺咁差多得你地唔小。