美心西餅 (康威大廈)

營業中

休息中

今年肥髀生日正日在學校畢業營，所以早少少同佢預祝，佢一向喜歡鮮果蛋榚，因為無預訂，去到西餅店見呢個細細個，賣相又幾靚，所以入去買，呢間美心西餅都幾大間，入內店員有笑容咁招呼，我講咗要嘅蛋糕款式，佢叫我排隊比錢，佢就叫另一店員在雪櫃攞比我！點知我第一次揀嘅芒果味蛋糕已賣晒，就轉咗另一款鮮果蛋糕！排隊比錢收銀店員問咗我有指定信用卡💳就幫我打折扣！可惜呢間店而家無數字臘燭賣（我唔知佢係無貨，定係而家呢間西餅店已經無再賣）所以我要去另一間西餅店，先買到數字臘燭。店員收錢就將個已入盒嘅蛋糕比我！清新鮮果杏仁脆蛋糕🍰（$214.2）指定信用卡打咗九折，賣相色彩繽紛好靚，蛋糕鬆軟，忌廉軟滑，不過唔覺有脆脆層（唔知係放得耐唔脆）果凍 啫喱唔會太硬，水果爽脆清甜！整體唔太甜好味接觸幾個店員都有笑容，有禮貌服務幾好！肥髀生日快樂🎂🎈🎊🎉