影片
更多
2023-10-25
793 瀏覽
之前喺外賣app叫過呢間嘢嘅雞煲，覺得藥饍湯底唔錯，見屋企附近有一間，所以專程去堂食。我地平日兩個人八點零walk in，唔駛等已經有位，見佢鋪頭都幾細，唔夠十張四人枱，但好處係麻雀雖小，但都坐得幾舒服，因為兩個人都係畀張四人枱你。我地今次叫半隻麻辣雞煲，其實份量幾充足，但係雞肉鞋身，而且個麻辣汁真係少得可憐，基本上如果開住個爐嚟食係會即刻焦底（因為冇汁），所以侍應都建議我地唔好開住爐食，食完先幫我地開爐加湯打邊爐。但亦因為太少麻辣汁，加湯之後個湯完全冇麻辣味，變咗清湯咁，而且鋪頭亦冇提供蘸汁，所以淥咩都冇味！另外我地嗌咗個炒蜆，燒魷魚、燒牛柳粒、燒雞腎，除咗個炒蜆幾惹味之外，其他嘢食都非常普通。不過值得一讚係，侍應們態度非常好，殷勤主動，隔籬枱想叫飯食，侍應話佢地鋪頭冇飯，可以幫佢地去對面鋪頭買，試問而家啲餐廳點會畀你攞出面嘢入嚟食之餘，仲幫埋你去買？而且地方坐得舒服同乾淨，或者下次再試吓佢啲燒海鮮同其他湯底嘅雞煲！
我地平日兩個人八點零walk in，唔駛等已經有位，見佢鋪頭都幾細，唔夠十張四人枱，但好處係麻雀雖小，但都坐得幾舒服，因為兩個人都係畀張四人枱你。
我地今次叫半隻麻辣雞煲，其實份量幾充足，但係雞肉鞋身，而且個麻辣汁真係少得可憐，基本上如果開住個爐嚟食係會即刻焦底（因為冇汁），所以侍應都建議我地唔好開住爐食，食完先幫我地開爐加湯打邊爐。但亦因為太少麻辣汁，加湯之後個湯完全冇麻辣味，變咗清湯咁，而且鋪頭亦冇提供蘸汁，所以淥咩都冇味！
另外我地嗌咗個炒蜆，燒魷魚、燒牛柳粒、燒雞腎，除咗個炒蜆幾惹味之外，其他嘢食都非常普通。
不過值得一讚係，侍應們態度非常好，殷勤主動，隔籬枱想叫飯食，侍應話佢地鋪頭冇飯，可以幫佢地去對面鋪頭買，試問而家啲餐廳點會畀你攞出面嘢入嚟食之餘，仲幫埋你去買？而且地方坐得舒服同乾淨，或者下次再試吓佢啲燒海鮮同其他湯底嘅雞煲！
張貼