影片
更多
2007-02-01
13 瀏覽
與男友到銅鑼灣咖哩物語食晚飯，進去時全餐廳只有半滿，而且座位不寬，所以在寒冬下帶著兩件大褸及兩個袋的我們便將東西放於旁邊座位之上(其他食客都係咁放。)在點了兩個咖哩飯後，沒多久餐廳經理(戴眼鏡髮型尖尖的)一句話也沒說、放下餐牌便安排兩位食客坐在我們放了東西的位置，其時餐廳內大概還有4人檯兩張(都可分成2人檯)、2人檯3張；如果太爆我都會覺得唔好意思，但戴眼鏡經理偏偏要選我哋最迫個位，真係吹漲，連那兩位新食客也忍不住說「仲有咁多位，做咩要坐哩道，我地快d食完走喇」。結果，我們左右都坐得很迫，四周卻好多位。過了一會，我的咖哩飯到了，當我慢慢地吃了大半時(旁邊的兩位的食物都全到了)，男友的咖哩飯還未到，他已有點不耐煩，數分鐘後有位女侍應過來加水並詢問還有沒有東西未到，男友便告訴她還有一碟咖哩飯，她便問「你嗰碟咩嚟架」由於等了太久，男友不記得很清楚，於是提議她不如查回落單資料，但她又問「甘你嗰碟咩嚟架」，男友再回答一次「真係唔記得噃」她才去查單。不一會，那女侍應便回來，又問「無噃，你嗰碟咩嚟架」，男友問她可有查單，她說「得佢(即係本人)嗰碟，無你嗰碟既record喎，咁你嗰碟咩嚟架」，其實即係
在點了兩個咖哩飯後，沒多久餐廳經理(戴眼鏡髮型尖尖的)一句話也沒說、放下餐牌便安排兩位食客坐在我們放了東西的位置，其時餐廳內大概還有4人檯兩張(都可分成2人檯)、2人檯3張；如果太爆我都會覺得唔好意思，但戴眼鏡經理偏偏要選我哋最迫個位，真係吹漲，連那兩位新食客也忍不住說「仲有咁多位，做咩要坐哩道，我地快d食完走喇」。結果，我們左右都坐得很迫，四周卻好多位。
過了一會，我的咖哩飯到了，當我慢慢地吃了大半時(旁邊的兩位的食物都全到了)，男友的咖哩飯還未到，他已有點不耐煩，數分鐘後有位女侍應過來加水並詢問還有沒有東西未到，男友便告訴她還有一碟咖哩飯，她便問「你嗰碟咩嚟架」由於等了太久，男友不記得很清楚，於是提議她不如查回落單資料，但她又問「甘你嗰碟咩嚟架」，男友再回答一次「真係唔記得噃」她才去查單。不一會，那女侍應便回來，又問「無噃，你嗰碟咩嚟架」，男友問她可有查單，她說「得佢(即係本人)嗰碟，無你嗰碟既record喎，咁你嗰碟咩嚟架」，其實即係漏左單，但又講到我哋好煩甘.....
經過以上情況，男友已不想再食，便說不用了，那女侍應一臉不滿地走開了。
男友等我一吃完便埋單，由於對之前種種的不滿，決定一毫貼士都不會給，我的咖喱飯賣$65，加一後該是$71.5，當戴眼鏡經理(之前帶位的那位)取了單過來，便說要收$72，男友問為何多收了，那戴眼鏡經理答「我們既電腦會自動喺尾數4捨5入」，男友問餐牌上有沒有列寫明，那經理像沒有聽到問題一樣，雙眼朝天重覆再答「我們既電腦會自動喺尾數4捨5入」，男友再問一次，那經理依然重覆同樣答案。你估真係差果五毫同你計咩，係因為果戴眼鏡經理d態度差到爆。
男友開始火滾，吾差在將之前的問題都說出來，每句都未講完戴眼鏡經理已經快速地以聲線壓著男友的提問：「我地係咁安排位架喎，無位喎.....係甘架(男友：漏左單)依家都無辦法架啦，都無計你錢！(男友：你地應該安排好d)先生你可以控制吓自己既情緒就好d囉」男友話會投訴，經理以輕蔑的語氣答「隨便你啦，多謝晒喎，好聲行喇，小心d行呀先生(語氣超級恐嚇feel)，慢慢行wor」
，嘩，以為自己入左黑店。
其實上一次與男友來，一坐已經發現餐巾內包了一塊食過既香口膠，但餐廳另一女經理說可能是上一位沒食飯的食客留下，無為意才未有清理，但有禮貌態度誠懇，所以便再次光顧，怎料到了這個戴眼鏡經理，一句"唔好意思"、"對唔住都無！
同一間鋪唔同人會差甘遠。
服務態度和同集團既POKKA簡直差天共地!!
在銅鑼灣區，六十多元一個飯，不是貴，但絕對是貼錢買難受！
老實說，食物是很不錯，但衰係個經理及個别員工既服務態度手上，
總廚余國洲師傅真係俾佢地激死！
張貼