洛奇冰室 (已結業)

今晚9點入餐廳諗住食碗麵，當時餐廳只有一座食客，門口收銀男性職員不停強調收10點，10點前要走，我都無所謂，因為食碗麵很快便坐低了。坐低點餐後先覺得賴嘢。個男收銀全程冇戴口罩，一路咳同打乞嗤，佢開始四圍搵職員吹水，行嚟行去，keep住打乞嗤、咳同呻鼻涕，成個過程都冇戴口罩，喂大佬呀！我食緊嘢你喺我面前係咁咳、打乞嗤同呻鼻涕，係咁播毒！之後9:10左右有一對男女入嚟，佢又同人哋講10點前要走，如果佢只係職員唔係老細，真係幫個老細倒米。我碗麵都未食晒就頂唔順走咗，同佢同一個空間一陣後而家個頭開始有啲痛！