影片
更多
2021-07-18
1926 瀏覽
2個人食飯，一個住新界西喺港島東返工，一個住新界東喺中九龍返工，揾個交通方便地方食飯就揾咗尖沙咀。Friday 晚揾咗間酒吧餐廳，點咗個 pizza 加 fish & chip，食物味道中規中矩，飲品唔會差得去邊 😅😅餐廳服務態度反而比到深刻印象我，去到餐廳問我有無裝鴨屎，好彩我有帶埋個士啤電話可以嘟，大鄉理嘅我先知原來餐廳分 2 邊，有嘟嘅可以坐入面啲，但我唔知朋友有無裝，咁佢好好安排我坐入面，話朋友嚟到無裝先安排我坐返出去。另見有啲客想坐 L 形梳化位，但比人訂咗，後來客人取消佢哋又不厭其煩轉返檯比要求嘅客人，仲要佢哋已經食緊嘢 👍👍餐廳用紙飲管，我飲飲吓攞起，佢見到以為支飲管浸淋咗，9 秒 9 咁攞過支比我，快到我反應唔嚟已經放咗入我杯飲品度 🤭🤭有機會可以再嚟喎！
Friday 晚揾咗間酒吧餐廳，點咗個 pizza 加 fish & chip，食物味道中規中矩，飲品唔會差得去邊 😅😅
餐廳服務態度反而比到深刻印象我，去到餐廳問我有無裝鴨屎，好彩我有帶埋個士啤電話可以嘟，大鄉理嘅我先知原來餐廳分 2 邊，有嘟嘅可以坐入面啲，但我唔知朋友有無裝，咁佢好好安排我坐入面，話朋友嚟到無裝先安排我坐返出去。
另見有啲客想坐 L 形梳化位，但比人訂咗，後來客人取消佢哋又不厭其煩轉返檯比要求嘅客人，仲要佢哋已經食緊嘢 👍👍
餐廳用紙飲管，我飲飲吓攞起，佢見到以為支飲管浸淋咗，9 秒 9 咁攞過支比我，快到我反應唔嚟已經放咗入我杯飲品度 🤭🤭
有機會可以再嚟喎！
張貼