影片
更多
2012-08-07
58 瀏覽
同GF去食飯, 係幾間燒肉店之中揀左LEE間.當時女職員同我講時間係1840, 食2小時, 我望電話, 我電話時間較佢慢10MINS. 當時係1830,咁我地就自己預番2030啦.落到去, 見到隻大蝦, 都覺得唔錯,另一位女同事(叫佢阿A, 因為之後既評語大部份都同LEE位A同事有關!) 就同我地講解落單紙上點樣填.佢同我地講"1=1份" 當時佢指住送個盆食物上面0既雞翼, 同我&GF講"拿, LEE到既雞翼就係1份"當時送既雞翼有3隻, 咁我地兩個人, 唔打算叫太多野食, 怕浪費, 就每樣都填1.轉頭, 有位男同事埋黎同我地講, 阿小姐, 你地填哂1, 每樣得1件.跟住, 我地燒好隻蝦, 燒緊雞扒, 而隻蝦仲未開始食0既時候, 張檯居然有小蛋, 我就用隻冇野既空碟放左係上面札住佢.然後同位男同事講"張檯有小強, 我用隻碟札住左."佢竟然一手拎開隻碟, 而另一手毫冇準備搵毛巾整走佢.就係咁, 隻小強走甩左有小強我都算, 我唔怕, 但我絕對唔想食緊野既時候由自己去整死佢轉頭, 佢地同我地講幫我地轉過張檯由A13轉左去A16. 隔離A17有檯一家大細.我地轉檯後, 佢地將我地既野逐一拎番比
當時女職員同我講時間係1840, 食2小時, 我望電話, 我電話時間較佢慢10MINS. 當時係1830,
咁我地就自己預番2030啦.
落到去, 見到隻大蝦, 都覺得唔錯,
另一位女同事(叫佢阿A, 因為之後既評語大部份都同LEE位A同事有關!) 就同我地講解落單紙上點樣填.
佢同我地講"1=1份" 當時佢指住送個盆食物上面0既雞翼, 同我&GF講"拿, LEE到既雞翼就係1份"
當時送既雞翼有3隻, 咁我地兩個人, 唔打算叫太多野食, 怕浪費, 就每樣都填1.
轉頭, 有位男同事埋黎同我地講, 阿小姐, 你地填哂1, 每樣得1件.
跟住, 我地燒好隻蝦, 燒緊雞扒, 而隻蝦仲未開始食0既時候,
張檯居然有小蛋, 我就用隻冇野既空碟放左係上面札住佢.
然後同位男同事講"張檯有小強, 我用隻碟札住左."
佢竟然一手拎開隻碟, 而另一手毫冇準備搵毛巾整走佢.
就係咁, 隻小強走甩左
有小強我都算, 我唔怕, 但我絕對唔想食緊野既時候由自己去整死佢
轉頭, 佢地同我地講幫我地轉過張檯
由A13轉左去A16. 隔離A17有檯一家大細.
我地轉檯後, 佢地將我地既野逐一拎番比我地, 我地都唔該前唔該後.
我地叫既都係生肉同刺身, 因為諗住食左LEE D野先, 唔想急住叫到成檯都係野食都係怕浪費.
然後有位短頭髮既女同事, 再加上先前講既女同事A, 不斷將一堆唔係我地叫0既野食送過黎.
個一堆野食全部都係熟食, 沙律, 蠔等等, 我地話我地冇叫, 女同事A話A16冇錯.
我話我地剛剛係A13轉黎, 佢問隔離檯, 隔離檯話唔係佢地叫, 佢就問人地"你寫檯號寫幾多.
一家人就話A17, 咁佢就同我地講, 咁你地即係A16冇錯, 我話我知我地係A16,
但我地真係冇叫過, 女同事A仲話"你地頭先係坐A13, 但係調左過黎我地係有跟進"
我同佢講, 我0係未調檯之前, 單係寫A13, 當時佢地已經入哂單, 但佢地送黎既食物全部寫A16.
轉頭, 女同事A行埋黎同我地講"麻煩你地落單時寫番A16, 你地係坐A16" 我同佢講, 我知道我係坐A16.
而同時, 隔離檯好好禮貌咁同佢講, 佢地落0既野食好多都未到,
女同事A就話"麻煩你地填個格仔填好D, 咁先會過到機"
個客話"但我地之前都係咁填, D野食都黎齊"
然後佢又當場示範應該點樣去填滿個格仔.
送錯食物既事, 已經來回左好幾次, 每一次我都要同佢地講, 我地冇叫到.
然後又有一個應該較位高級既男職員又拎住一個沙律比我地.
我地再一次話我地冇叫, 佢話"係A16喎", 我地話但係我地真係冇叫到.
佢好冇禮貌咁講"咁你地有咩未到呢?" 我GF話唔會記得自己叫左D咩肉.
但就一定冇叫沙律同熟食, 我同佢講, 有咩漏單, 其實係你地自己去CHECK.
然後又再有另一個女同事, 走埋黎想放低佢手上又一堆既食物.
我地又再一次話我地冇叫到....
之後佢收起哂所有食物, 除左一個蘿蔔牛腩, 佢未放之前我地完全睇唔到個兜係咩黎.
佢話"LEE個係牛舌, 你地叫架, 隨即走左.
我望住兜野, 同GF講"LEE個係牛腩" 就算我係有叫過牛吞, 都係叫左個生既牛舌.
好啦一輪之後, 終於再冇人埋黎比錯野仲怪責我地.
已經食得好唔舒服.
到最後, 一位男同事埋黎話堆單, 當時距離我入黎時電話預計2030時間仲有8個字.
即1950. 佢同我講仲有半個鐘. 但其實應該仲有8個字.
佢叫我地LAST ORDER兼埋單.
都算, 過左2個字, 佢地放低杯雪糕, 會唔會早得滯呢? 我仲有半個鐘先夠鐘.
好啦等埋最後少少野食諗住燒埋都時間差唔多要走,
D野食黎得又慢. 過左一陣, 個女同事A又企我右邊話你地就黎夠鐘.
我都冇理佢, 因為我知道我地仲有時間.
轉頭唔夠5MINS, 佢又再企係我左邊, 同我地講, 你地夠鐘, 上面有人等緊.
我真係忍唔到, 我同佢講, 我已經食緊最後一隻蝦, 使唔使催我走?
佢話"我冇催你",
我同佢講, 頭先你地有小強整左一輪, 你都未補番時間比我, 仲有我地確實未夠鐘.
佢食左我6MINS都算, 時間都唔補番都算.
如果你係一個好0既WAITRESS, 你留心少少望下個客張檯.
你根本唔難發現我地張檯清哂, 我GF已經停左手.
而我, 碟上面都只有蝦殼, 手頭上只剩番一隻MET緊0既蝦.
我唔介意唔補番時間之餘同埋真係夠2HRS先麻煩我地離開.
但我好介意佢冇留心每個客人然後衝埋黎話你地夠鐘.
我地絕對係未夠2HRS已經比人催, 我自己以前做過飲食業, 我都明白大家有時候一心想做多D生意.
但我地絕對唔會催客, 就算個客夠鐘, 有人等緊都好, 都需要用一個禮貌既態度同客人講.
而唔係0係未夠鐘0既時候咁樣叫個客離開.
我自己都明白, 所以我絕對唔會阻人做生意, 會0係2HRS入面食哂埋單兼起身走人.
食飯時間多人等, 2HRS必須走我都覺得有道理.
但首先係態度問題. 你地有冇尊重過客人?
食物質素係唔錯, 好食兼態度好既話, 兩個人食共440我覺得係絕對抵.
但如果態度咁難譜, 我寧願比600蚊兩個人去食其他仲好.
又冇笑容, 又將所有不是推去客人到, 又串, 多謝都冇句, BYEBYE都冇聲.
到走時, 我地仲要企0係樓上食埋個杯超早到已經溶左一半既雪糕.
食物質素其實係唔錯, 送上0既虎蝦大隻又有膏, 食得都開心, 但當食完隻虎蝦之後.
發生唔少非常不滿既事.
螺, 青口, 海蝦, 羊架, 一口牛肉都好味道.
但係, 絕對唔會係我再黎幫襯0既理由.
張貼
