影片
更多
2024-01-20
767 瀏覽
一直都欣賞呢間舖頭嘅嘢食，幾年間除左自己成日食都有推薦其他人。今日如常都係想係旺角飲茶就自然揀左呢間。嚟到嘅時候冇人排隊，但都full曬了，我哋等緊第一張枱。我哋2個人，一位朋友未到，我哋叫左3個人嘅位。係等待嘅期間，嚟左2張等2人枱嘅客人，而係呢2對2人枱客人剛入店嘅時候，一位女店員就咁啱出嚟嗌我哋嘅號碼，問：你哋4位嚟齊未？我哋回答：我哋3位，不過仲有一個朋友未到。女店員回答：下，即係你哋3位？咁嚟齊未？我哋回答：我哋仲有一位朋友未到。女店員再回答：講明先，我哋限食60分鐘，你哋o唔ok？我哋一個回答：咁我哋打個電話問朋友到未可以嘛？，另一個已經打緊電話問朋友。女店員 表示ok嘅同時，佢已經叫左2張2人枱嘅客人入店。因為朋友已經即將到達，我哋亦覺得先入座叫嘢食，開始計60分鐘都可以，就即刻同女店員表達我哋ok了，可以入座。女店員就叫我哋等多陣先，估計係佢頭先已經放左2張2人枱入座，所以我哋要再等下一張枱。我哋繼續等待，然後再有一張5人枱客人進店想取票入座。然後店內有一張4人座位嘅枱空左，所以無論係我哋，定係包一位小朋友在內嘅5人枱客人都適合坐嗰個空位。與此同時，老闆係店內向女店員問
一直都欣賞呢間舖頭嘅嘢食，幾年間除左自己成日食都有推薦其他人。
今日如常都係想係旺角飲茶就自然揀左呢間。嚟到嘅時候冇人排隊，但都full曬了，我哋等緊第一張枱。我哋2個人，一位朋友未到，我哋叫左3個人嘅位。
係等待嘅期間，嚟左2張等2人枱嘅客人，而係呢2對2人枱客人剛入店嘅時候，一位女店員就咁啱出嚟嗌我哋嘅號碼，問：你哋4位嚟齊未？
我哋回答：我哋3位，不過仲有一個朋友未到。
女店員回答：下，即係你哋3位？咁嚟齊未？
我哋回答：我哋仲有一位朋友未到。
女店員再回答：講明先，我哋限食60分鐘，你哋o唔ok？
我哋一個回答：咁我哋打個電話問朋友到未可以嘛？，另一個已經打緊電話問朋友。
女店員 表示ok嘅同時，佢已經叫左2張2人枱嘅客人入店。
因為朋友已經即將到達，我哋亦覺得先入座叫嘢食，開始計60分鐘都可以，就即刻同女店員表達我哋ok了，可以入座。
女店員就叫我哋等多陣先，估計係佢頭先已經放左2張2人枱入座，所以我哋要再等下一張枱。
我哋繼續等待，然後再有一張5人枱客人進店想取票入座。然後店內有一張4人座位嘅枱空左，所以無論係我哋，定係包一位小朋友在內嘅5人枱客人都適合坐嗰個空位。
與此同時，老闆係店內向女店員問，張4人枱齊人未，女店員回答，佢哋得3個咋，然後女店員走向門口我哋所在嘅位置，我哋再次同女店員表達：我哋可以入座啦，開始計60分鐘都可以。
點知女店員係呢個時候先至回應：人齊先入得喎。
我哋向佢表達：你頭先唔係咁講㗎喎，你頭先問開始計60分鐘o唔ok，我哋頭先同依家都同你表達我哋開始計時都ok。
女店員竟然回覆：我點知你哋會唔會坐左入去之後60分鐘唔肯走啊，到時要趕就無謂啦。
與此同時係隔離聽到嘅老闆，都冇諗過要處理，然後就咁背對住我哋，向5人枱嘅客人招手，同佢哋講，你地人齊啦嘛？人齊入得。
而女店員都無視我哋仲想同佢討論，轉頭走返人店內。
成件事係感覺極差，店員老闆嘅態度都極差，冇尊重過客人。無論係佢從冇講過要人齊先可以入，到明明問左我哋開始計時o唔ok，到我哋ok先再轉態度轉立場話入齊先入得。都係一件極過分同浪費人時間嘅事。即使我支持左咁多年，但因為呢一日嘅對待，真係唔會再幫襯。
不過我睇佢哋呢個態度，連老闆都係呢個態度，都肯定會唔care。
張貼