金記冰室 (創紀之城五期(apm)) (已結業)

佢哋啲服務態度真係一流，啲侍應落單好似朗誦咁樣，仲要個個人都係唔該前唔該後， 真係值得一讚！等位都唔使好耐，繁忙時間最多都係要等十分鐘，啲座位都坐得好舒服，我覺得幾好。至於食物方面，其實真係唔錯。我叫咗一個咖哩海鮮炒飯，有鮮魷，青口，蟹柳，我覺得材料非常豐富，幾好味。同事就叫咗兩個常餐。 呢度啲常餐不外乎就係一件多士，加煎蛋，再加一碗公仔麵或者係通心粉。質素同外面啲餐廳其實冇咩分別，但係綜合環境同埋服務我覺得呢度係值嘅。