樸生 (已結業)

我哋幾個大人同小朋友去. 佢帶咗我哋入去坐, 我哋有個長輩坐咗長枱其中一邊嘅位，聽到有個侍應好惡咁話『佢dut咗喺嗰個位阻住曬』我個長輩即刻已經好嬲好唔開心。之後我哋點餐， 有兩個湯底，部隊海鮮鍋問清楚係可以揀邊個湯底，因為平時部隊鍋係唔使揀湯底，佢又解釋得唔清楚，跟住佢就好唔耐煩，之後出去攞嘢食， 隻隻碟都係有 污糟 嘅水漬， 啲炸雞又唔熱，其他熟食嘅質素都係好一般，火鍋質素都係好一般，唯一係甜品部小朋友食得好開心。之後埋單無端端加多咗一個大人價錢同埋加多咗108蚊， 又要佢改單，又淨係收現金。本身都好鍾意食韓國菜，試過散叫呢間其實質素ok，但係 嗰晚之後唔會再去.