茶室

營業中

休息中

見到門外唔少人等外賣，以為間野唔差所以入去食。入到去一坐低，店員就即刻催我地落單，態度仲要一般，感覺無乜禮貌。落完單以為好快有野食，點知等左起碼十五分鐘以上先黎左第一碗野，前前後後等左四五個字先齊哂。上菜速度咁慢，點解一坐低又要催人落單？叫左幾碗麵，燒肉同排骨都係又硬又鞋，感覺好唔新鮮，啲麵又太過淋，一夾就斷開哂，食完大家都覺得好口渴。之後見我地食到差唔多尾聲，店員就想黎收走隻碗，但其實仲食緊，眼見門口都無乜客仲有位淨，點解要咁趕客既感覺？店員質素真係有待改善，令顧客好有壞印象。整體黎講，座位已經唔太好坐，啲位好奇怪又迫。味道確實好重味精，啲肉質全部唔掂。另外店員既態度好趕客，感覺似唔休做，好想你快啲食完快啲走人唔好阻住哂咁，但只係坐左30分鐘都無，不會推薦此餐廳亦不會再光了。