嚐味喇沙 (已結業)

新都城開咗幾間新食肆，第一間試嘅就係有我鐘意嘅海南雞嘅餐廳。嚟食之前我無睇過食評，而家打食評先睇到評價一般。我自己就覺得可以嘅，價錢唔貴，選擇算多，味道就普普通通，不過職員態度係唔錯。椰子雞湯，有少少味精味同鹹，不過係幾香嘅。無骨海南雞飯，雞肉唔算多，雞都幾滑，飯就一般。下午茶：羅宋湯腸仔粒通粉配鮮奶炒蛋及牛乳吐司，普通茶餐，腸仔好少。下午茶：西多士，唔錯。吉列魚柳熔岩蛋包飯(日式咖喱汁)，魚柳唔算滑，有少少乾，蛋係全熟，唔係半熟嘅熔岩，無餐牌上標題黑松露味，係煎蛋魚柳咖喱汁飯。